1 Huan 1:1-10

1  Nos ta skirbi boso tokante esun ku ta e palabra di bida, kende tabata for di prinsipio, kende nos a tende, kende nos a mira ku nos mes wowonan, kende nos a opservá i kende nos mannan a mishi kuné.  (Sí, bida eterno a keda revelá na nos, i nos a mir’é i ta duna testimonio di dje i ta proklam’é na boso. E bida eterno akí ta bini di e Tata i a keda revelá na nos.)  Esun ku nos a mira i tende, nos ta proklamá na boso tambe, pa boso tambe por ta den union* ku nos. Ademas, e union akí ku nos tin ta ku e Tata i ku su Yu Hesukristu.  P’esei, nos ta skirbi boso e kosnan akí pa nos goso por ta kompleto.  Esaki ta e mensahe ku nos a tende di Hesus i ku nos ta anunsiá na boso: Dios ta lus i no tin ningun skuridat den dje.  Si nos ta deklará: “Nos ta den union kuné,” i tòg nos ta sigui kana den skuridat, nos ta gaña i no ta praktiká e bèrdat.  Ma si nos ta kana den lus meskos ku Dios mes ta den lus, nos ta den union ku otro, i e sanger di Hesus, su Yu, ta limpia nos di tur piká.  Si nos ta deklará: “Nos no tin piká,” nos ta gaña nos mes, i e bèrdat no ta den nos.  Si nos konfesá nos pikánan, Dios lo pordoná nos nos pikánan i limpia nos di tur inhustisia, pasobra e ta fiel i hustu. 10  Si nos ta deklará: “Nos no a peka,” nos ta hasi komo si fuera Dios ta un gañadó, i su palabra no ta den nos.

Nota na pia di página

Òf: “tin partisipashon.”