Bai na kontenido

Bai na kontenido

Banda robes: E famia di Bètel di Brooklyn a selebrá nan último Pasku na 1926; Banda drechi: Hende ta ripará ku Testigunan di Yehova ta diferente

 SEKSHON 3

Normanan di Reino—En Buska di e Hustisia di Dios

Normanan di Reino—En Buska di e Hustisia di Dios

 BO TA pasa mira bo bisiña den kurá i ta hisa man kumind’é. Bo a ripará ku último tempu e ta opservá abo ku bo famia mashá. E tambe ta hisa man kumindá bo, kaba e ta hasi seña ku bo pa bo bin tende. Ora bo yega serka, e ta bisa bo: “Mi tin mag di puntra bo algu? Kiko ta e kos ku ta hasi boso asina diferente?” Bo ta puntr’é ta kiko e ke men. E ta bisa: “Wèl, boso ta Testigunan di Yehova, tòg? Boso no ta meskos ku tur hende. Boso no ta manera e otro religionnan: Boso no ta selebrá dianan di fiesta ni ta mete den polítika ni bai guera. Boso no ta huma. I bo famia ta parse di ta sigui normanan moral haltu. Kiko ta e kos ku ta hasi boso asina diferente den tur e kosnan akí?”

Bo sa ku e kontesta ta simplemente esaki: Nos ta biba bou di e gobernashon di e Reino di Dios. Hesus, e Rei, ta refiná nos konstantemente. E ta yuda nos kana den su pasonan, i esei ta pone ku nos ta destaká komo diferente den e mundu malbado akí. Den e sekshon akí, nos lo bai mira kon e Rei Mesiániko a bin ta refiná e pueblo di Dios den sentido spiritual i moral, i kon el a refiná asta e struktura di nos organisashon. Tur esaki pa kontribuí na e gloria di Yehova.

DEN E SEKSHON AKÍ

KAPÍTULO 10

E Rei Ta Refiná Su Pueblo Spiritualmente

Kiko Pasku ku krus tin en komun?

KAPÍTULO 11

Refinamentu di Normanan Moral—Sirbidónan di Dios Ta Reflehá Su Santidat

Desde 1914, e kambernan di guardia i e entradanan di e tèmpel di e vishon di Ezekiel tin nifikashon spesial pa e pueblo di Dios.

KAPÍTULO 12

Organisá pa Sirbi “e Dios di Pas”

Beibel no ta hasi un kontraste entre desòrdu ku òrdu, sino entre desòrdu ku pas. Dikon? I e kontesta riba e pregunta ei tin ki efekto riba kristiannan djawe?