Bai na kontenido

Bai na kontenido

Banda robes: Reunion na airu liber na Lònden, Inglatera, 1945; Banda drechi: Dia spesial di asamblea na Malawi, Afrika, 2012

 SEKSHON 5

Edukashon di Reino—Sirbidónan di e Rei Ta Haña Entrenamentu

Edukashon di Reino—Sirbidónan di e Rei Ta Haña Entrenamentu

 BO TA smail ku e oradó riba plataforma pa anim’é. E ta un ruman hòmber yòn di bo kongregashon i ta su promé parti na un asamblea. Segun ku bo ta disfrutá di su diskurso, bo ta pensa ku apresio riba e entrenamentu ku e pueblo di Dios ta haña. Bo ta kòrda e promé partinan ku e yònkuman akí a duna riba plataforma. Anto wak kon el a progresá! Gran parti di e progreso ei a tuma lugá despues ku el a asistí na e Skol di Sirbishi di Pionero. Resientemente, e ku su kasá a asistí na e Skol pa Predikadó di Reino. Segun ku bo ta bati man pa e bunita diskurso ku e ruman a duna, bo ta wak rònt i pensa riba e kantidat di instrukshon ku henter e pueblo di Dios ta haña.

Beibel a profetisá ku lo yega un tempu ku ‘Yehova lo siña’ henter su pueblo. (Isa. 54:13) Nos ta bibando den e tempu ei. Nos ta haña e edukashon akí no solamente via nos publikashonnan sino tambe via nos reunionnan, asambleanan, kongresonan i e vários skolnan ku ta prepará nos pa un òf mas asignashon den e organisashon di Yehova. Den e sekshon akí, nos lo konsiderá kon tur e edukashon akí ta duna prueba sólido ku e Reino di Dios ta gobernando awe.

DEN E SEKSHON AKÍ

KAPÍTULO 16

E Pueblo di Dios Ta Reuní Huntu pa Ador’é

Kon nos por saka e mayor probecho for di e reunionnan pa adorá Yehova?

KAPÍTULO 17

Sirbidónan di e Reino Ta Haña Entrenamentu

Kon skolnan teokrátiko a prepará sirbidónan di e Reino pa kumpli ku nan asignashonnan?