Bai na kontenido

Bai na kontenido

16. Adorá Dios na e Manera Korekto

16. Adorá Dios na e Manera Korekto

1 EVITÁ ADORASHON FALSU

“Sali for di meimei di nan, i separá boso, . . . i stòp di mishi ku loke ta impuru.”—2 Korintionan 6:17

Dikon ta malu pa usa imágen i venerá antepasado?

  • Éksodo 20:4, 5; 1 Huan 5:21

    Yehova no ke pa nos usa imágen den nos adorashon.

  • Deuteronomio 18:10-12

    Esnan ku ta konsultá ku e mortonan en realidat ta komuniká ku demoñonan.

2 NO TA TUR DIA DI FIESTA TA AGRADÁ DIOS

“Sigui hasi sigur di loke ta agradá Señor.” —Efesionan 5:10

Kiko por yuda bo disidí si bo por selebrá un dia di fiesta?

  • Ezekiel 44:23; 2 Korintionan 6:14, 15

    Wak si e tin orígen pagano.

  • Éksodo 32:2-10

    E echo ku hende ta selebrá un fiesta ku bon intenshon no ta nifiká ku Dios ta aprobá e selebrashon akí.

  • Daniel 3:1-27

    Evitá dianan di fiesta ku ta halsa hende, organisashonnan humano òf símbolonan nashonal.

  • 1 Timoteo 1:18, 19

    Usa sano huisio, pero hasi sigur pa bo keda ku un bon konsenshi dilanti di Yehova.

3 SPLIKA BO KREENSIANAN NA UN MANERA AMABEL

“Laga boso palabranan semper ta ku grasia, sasoná ku salu, pa boso por sa kon boso mester kontestá kada persona.”—Kolosensenan 4:6

Kon bo mester splika bo kreensianan na otro hende?

  • Mateo 7:12

    Respetá e punto di bista di otro hende meskos ku bo ke pa nan respetá esun di bo.

    2 Timoteo 2:24

  • Sea semper amabel, i no diskutí ku otro hende tokante bo kreensianan.

  • 1 Pedro 3:15

    Defendé bo kreensianan na un manera suave i ku rèspèt.

  • Hebreonan 10:24, 25

    Na reunionnan kristian, lo bo haña animashon i yudansa pa sa kiko bo mester bisa ora hende kuestioná bo kreensianan.