Bai na kontenido

Bai na kontenido

13. Mustra Rèspèt pa e Regalo di Bida

13. Mustra Rèspèt pa e Regalo di Bida

1 MUSTRA RÈSPÈT PA E REGALO DI BIDA

“Serka bo e fuente di bida ta.”—Salmo 36:9

Kon nos por mustra rèspèt pa bida?

[Komentario di e plachi na página 13]

  • Echonan 17:28; Revelashon 4:11

    Bida ta un regalo di Yehova, i nos mester trat’é ku rèspèt.

  • Éksodo 21:22, 23; Deuteronomio 5:17

    Asesinato i aborto ta malu den bista di Dios.

  • 1 Huan 3:11, 12, 15

    Odio ta malu den bista di Dios.

  • 2 Korintionan 7:1

    Evitá práktikanan impuru manera humamentu i uso di droga.

  • Salmo 11:5

    Evitá entretenimentu i deporte violento.

2 BIDA I SANGER

“Pa loke ta bida di tur karni, su sanger ta identifiká ku su bida.”—Levítiko 17:14

Kiko ta e punto di bista di Dios tokante bida i sanger?

  • Génesis 4:10; Deuteronomio 12:23

    Sanger ta representá bida.

  • Génesis 9:3, 4

    Nos por kome karni, pero no sanger.

  • Echonan 15:28, 29; 21:25

    E mandamentu di Dios pa apstené di sanger ta enserá tambe ku nos no ta usa sanger den tratamentu médiko.

  • Hebreonan 11:6

    Nos amistat ku Yehova ta e kos di mas importante den nos bida.

3 USO DI SANGER DEN PASADO KU YEHOVA TA APROBÁ

“E sanger di Hesus . . . ta limpia nos di tur piká.”—1 Huan 1:7

Kon e sakrifisio di Hesus ta benefisiá nos?

  • Levítiko 17:11

    Den tempu di Beibel, e israelitanan ku a peka por a ofresé un sakrifisio di bestia i pidi e saserdote pa basha un poko sanger riba e altar pa nan haña pordon di Yehova.

  • Mateo 20:28; Hebreonan 9:11-14

    Ora Hesus a bini na tera, el a remplasá e lei di sakrifisio di bestia: el a duna su bida, esta su sanger, pa pordon di nos pikánan.

  • Huan 3:16

    Hesus su bida tabatin asina tantu balor ku despues ku Yehova a resusit’é den shelu, Yehova a duna tur hende ku pone fe den Hesus e oportunidat di biba pa semper.