Promé Sámuèl 29:1-11
-
E filisteonan no ta konfia David (1-11)
29 E filisteonan+ a reuní tur nan trupanan di sòldá na Áfèk, miéntras ku e israelitanan tabatin nan kampamentu banda di e fuente di awa ku tabata keda na Yézrel.+
2 E gobernantenan di e filisteonan tabata marcha huntu ku nan sòldánan ku tabata partí den grupo di shen sòldá i den grupo di mil sòldá. David i e hòmbernan ku tabata huntu kuné tabata marcha te patras huntu ku Ákis.+
3 E komandantenan di e filisteonan a puntra Ákis: “Kiko e hebreonan ei ta hasi akinan?” Ákis a kontestá nan: “Ta David, sirbidó di Rei Saul di Israel. David tin mas ku un aña serka mi.+ For di dia ku el a hui i bini akinan, mi no tin nada di keha di dje.”
4 E komandantenan di e filisteonan a rabia ku Ákis. Nan a bis’é: “Manda e hòmber ei bèk.+ Lag’é regresá e stat ku bo a dun’é. No lag’é kompañá nos den bataya pa e no bai kontra nos.+ Ku kiko bo ta kere lo e por hasi su shon kontentu? No ta ku kabes di e hòmbernan akí?
5 No ta pa David e hendenan tabata kanta i baila i bisa:
‘Saul a mata míles di enemigu,pero David a mata míles i míles di enemigu’?”+
6 E ora ei, Ákis+ a yama David i bis’é: “Bo sa, bo ta un hòmber rekto. Mi ta bisa bo esei mes sigur ku Yehova ta na bida. Si bo bai bringa den bataya huntu ku mi ehérsito, mi ta keda kontentu.+ For di dia ku bo a bini akinan, mi no tin nada di keha di bo.+ Pero e otro gobernantenan no ta konfia bo.+
7 P’esei, bai na pas, i no hasi nada pa pone e gobernantenan di e filisteonan rabia.”
8 David a bisa Ákis: “Kiko mi a hasi? Tur e tempu ku mi tabata serka Rei, nunka mi señor no tabatin nada di keha di mi. Dikon mi señor Rei no ta laga mi bai bataya huntu ku mi señor i bringa kontra e enemigunan di mi señor Rei?”
9 Ákis a kontest’é: “Ami ta konvensí ku bo ta un bon hende. Bo ta manera un angel di Dios.+ Ma e komandantenan filisteo a bisa: ‘Nos no ke pa e subi bai bringa huntu ku nos.’
10 P’esei, lanta mainta trempan i bai, huntu ku e sirbidónan di bo shon ku a bini huntu ku bo. Asina ku di dia kuminsá habri, boso mester bai.”
11 Asina, David i e hòmbernan ku tabata huntu kuné a lanta mainta trempan, i nan a bai teritorio di e filisteonan bèk. Anto e filisteonan a subi bai Yézrel.+
