Aunke nos como testigo di Jehova ta kere cu Dios a crea tur cos, nos no ta kere den creacionismo. Dicon no? Pasobra hopi siñansa di creacionismo ta contradeci Bijbel. Wak e siguiente dos ehempelnan:

1.   Con largo e seis dianan di creacion tabata? Varios hende cu ta kere den creacionismo ta pensa cu e seis dianan di creacion tabata dianan literal di 24 ora. Pero den Bijbel e palabra “dia” por referi na un periodo mucho mas largo.​—Genesis 2:4; Salmo 90:4.

2.   Pa cuanto tempo e Tera ta existi? Varios hende cu ta kere den creacionismo ta siña cu e Tera ta apenas algun mil aña bieu. Sinembargo, segun Bijbel, e Tera y e universo a existi prome cu e seis dianan di creacion. (Genesis 1:1) Pesey, testigonan di Jehova no ta rechasa prueba cientifico confiabel cu ta mustra cu e Tera por ta miyones di aña bieu.

 Aunke nos como testigonan di Jehova ta kere den creacion, nos no ta contra ciencia. Nos ta kere cu loke Bijbel ta siña ta cuadra cu ciencia.