Sigui pa e contenido

Sigui pa e index

Con Bo Por Haya un Bida Mas Mihor?

Con Bo Por Haya un Bida Mas Mihor?

DIOS kier pa bida ta diferente for di loke e ta awe. Dios kier pa Tera ta yena cu hende cu ta respeta su autoridad, beneficia di su guia y imita su amor y su otro cualidadnan. Dios ta desea pa nan ta feliz, pa nan cria famia hunto, pa nan haya sa cosnan nobo y pa haci Tera un paradijs.

DIOS A PRIMINTI CU BIDA RIBA TERA LO BIRA MANERA TABATA SU INTENCION

  • “E ta haci gueranan stop te na e fin di Tera.” Salmo 46:9.

  • “E tempo stipula a yega ... pa caba cu esnan cu ta caba cu e Tera.”Revelacion 11:18.

  • “Ningun habitante lo no bisa: ‘Mi ta malo.’” Isaias 33:24.

  • “Mi scoginan lo disfruta di e obra di nan mannan pa hopi tempo.”Isaias 65:22.

Con e profecianan aki lo cumpli? Dios a scoge su yiu, Hesus, como Rey di un gobierno perfecto cu lo goberna henter e Tera for di cielo. Bijbel ta yam’e e Reino di Dios. (Daniel 2:44) Bijbel ta bisa di Hesus: “Dios lo dun’e e trono ... y lo e reina como Rey.”—Lucas 1:32, 33.

Ora Hesus tabata riba Tera, el a haci hopi milager. Esey ta demostra cu como Rey, e lo haci bida humano hopi mas mihor.

HESUS A DEMOSTRA KICO E LO HACI PA HENDE OBEDIENTE

  • El a cura tur sorto di maleza. Esey ta demostra cu e lo elimina tur sorto di enfermedad. Mateo 9:35.

  • El a calma lama, y esey ta mustra cu e lo proteha hende door di domina e forsanan di naturaleza. Marco 4:36-39.

  • El a alimenta miles di hende. Esey ta mustra cu e lo percura pa hende su necesidadnan.Marco 6:41-44.

  • El a haci awa bira biña na un fiesta di casamento. Esey ta un prueba cu bou di su gobernacion hende lo disfruta di bida.Juan 2:7-11.

Con bo por haya e bida cu Dios ta desea pa hende cu ta stim’e? Tin un “caminda” cu bo tin cu sigui. Bijbel ta describie como “e caminda” cu “ta hiba na bida ... y poco ta esnan cu ta hay’e.”—Mateo 7:14.

E CAMINDA PA UN BIDA MAS MIHOR

Kico e caminda pa bida ta? Dios ta bisa: “Ami ta SEÑOR bo Dios, kende ta siña bo, pa bo prospera [of, pa bo mes bon], kende ta guia bo den e caminda cu bo mester cana.” (Isaias 48:17) Si bo sigui e conseho aki, bo lo tin un mihor bida.

 Hesus a bisa: “Ami ta e caminda, e berdad y e bida.” (Juan 14:6) Si nos sigui Hesus su siñansa y imita su ehempel, nos lo hala cerca Dios y nos lo tin un bida mas mihor.

Con nos por haya e caminda pa bida? Tin hopi religion, pero Hesus a adverti: “No ta tur hende cu bisa mi: ‘Señor, Señor’, lo drenta e Reino di cielo, sino esun cu ta haci e boluntad di mi Tata cu ta den cielo.” (Mateo 7:21) Tambe el a bisa: “Na nan fruta boso lo reconoce nan.” (Mateo 7:16) Bijbel por yuda bo haya sa cua ta e religion berdadero.—Juan 17:17.

Con nos por cuminsa cana riba e caminda cu ta hiba na bida? Bo lo tin cu siña ken a duna nos bida, con su nomber ta, ki sorto di persona e ta, kico e ta haciendo pa nos y kico e kier pa nos haci. *

Dios kier pa hende haci mas cu djis traha, come, pasa bon y cria un famia. E kier pa nos siña conoc’e y bira su amigo. Nos por demostr’e cu nos ta stim’e door di haci su boluntad. Hesus a bisa: “Pa haya bida eterno, nan tin cu siña conoce bo, e unico Dios berdadero.”—Juan 17:3.

MEDIANTE BIJBEL, DIOS TA SIÑA BO PA BO MES BON.​—ISAIAS 48:17

TUMA BO PROME PASO RIBA E CAMINDA AKI

Ora nos haya sa kico Dios ta desea pa nos haci, nos mester haci algun cambio. Esey por parce algo dificil. Pero bo bida lo mehora ora bo tuma e prome paso riba e caminda aki. Pa yuda bo haya contesta pa preguntanan tocante Dios, testigonan di Jehova ta ofrece un curso di Bijbel gratis na un ora y luga cu ta cumbiniente pa bo. Bo por tuma contacto cu nos door di bay na nos website jw.org.