Sigui pa e contenido

Sigui pa e index

Ora Bo Ta Sinti Cu Bida Ta Hopi Duro

Ora Bo Ta Sinti Cu Bida Ta Hopi Duro

BIDA por ta hopi dushi ora tur cos ta bon, pero tin situacion cu por haci bida hopi duro.

Por ehempel, Sally, * di Merca, a perde casi tur loke e tabatin ora un horcan a pasa. Sally a splica: “Mi tabata sinti cu mi no por mas y cu mi a yega mi limite.”

Morto di un ser keri tambe por ta algo hopi duro. Janice, di Australia, a bisa: “Ora mi a perde mi dos yiu hombernan, mi a sinti mi asina kibra cu mi tabata sinti cu mi no tin motibo mas pa biba. Mi a roga Dios: ‘Por fabor, mi no por mas. Djis laga mi drumi y no lanta mas.’”

Loke tabata duro pa Daniel ta cu su esposa a bira infiel na dje. El a splica: “Ora mi esposa a bisa mi cu el a traiciona mi, tabata comosifuera un cuchiu a hinca mi den mi curason. Mi tabata sinti un dolor fisico, comosifuera e cuchiu tabata hinca mi bes tras bes. Esaki a dura pa varios luna.”

Den E Toren di Vigilancia aki lo bo wak cu ta bale la pena pa sigui biba hasta ora

Ban wak prome kico por yuda nos ora nos bira victima di un calamidad.

^ par. 3 A cambia algun nomber den e serie di articulo aki.