Sigui pa e contenido

Sigui pa e index

Milford Sound

 PAISNAN Y NAN HENDENAN

Un Bishita na Nueva Zelandia

Un Bishita na Nueva Zelandia

UN 800 aña pasa, e Maorinan di e islanan tropical di Polinesia a crusa lama y establece nan mes na Nueva Zelandia. Eynan, nan a topa cu sero, gletsjer, awanan termal y sneeuw; un paisahe full diferente for di loke nan tabata conoce. Y mas o menos cinco siglo despues, e Anglosahonnan a yega for di Europa. Awendia mayoria di habitante di Nueva Zelandia ta sigui tradicionnan di tanto e Anglosahonnan como e Polinesionan. Casi 90 porciento di e poblacion ta biba den stad. E stad Wellington ta ser considera como e capital cu ta keda mas pazuid riba nos planeta.

Lodo cu ta herbe riba e Isla Panort

Aunke Nueva Zelandia ta un luga cu ta keda relativamente leu, tur aña nan ta haya casi tres miyon  turista. Esey no ta nada straño pasobra e tin diferente tipo di paisahe cu ta masha bunita mes.

Palo di varen di plata por bira 10 meter halto

Te cu 1948 hende tabata pensa cu no tin ningun takahe mas; e parha aki no ta bula

Nueva Zelandia tin diferente tipo di mata y bestia. Nan tin e cantidad mas grandi di parha cu no ta bula na mundo. Ademas, nan tin un bestia cu yama tuatara, un reptiel cu parce yuwana. E por biba 100 aña. Anto e unico mamiferonan (zoogdier) original di Nueva Zelandia mes ta algun especie di raton di anochi y algun mamifero grandi di awa, manera bayena y dolfijn.

Testigonan di Jehova tin casi 120 aña ta predica na Nueva Zelandia. Nan ta duna les di Bijbel den por lo menos 19 idioma, esaki ta inclui e idiomanan di Polinesia: Niueano, Rarotongo, Samoano y Tongano.

Algun Maori ta balia y interpreta un cantica den nan trahe tradicional