Sigui pa e contenido

Sigui pa e index

 YUDANSA ORA BO PERDE UN SER KERI

Morto Ta Causa un Dolor Inmenso

Morto Ta Causa un Dolor Inmenso

“Ami cu Sophia * tabatin mas cu 39 aña casa ora Sophia a haya un maleza cronico cu finalmente a causa su morto. Mi amigonan a sostene mi hopi bon y mi a zorg pa mi ta ocupa. Pero pa un aña largo mi tabata cana rond cu un dolor inmenso. Mi tabata sinti cu mi no por a controla mi emocionnan. Y te awe, casi tres aña despues di su morto, de bes en cuando mi sa sinti un dolor inmenso diripiente.”—Kostas.

Abo a yega di perde un ser keri? Si ta asina, probablemente lo bo a experencia sintimentonan similar cu Kostas. Un di e cosnan mas doloroso cu ta causa stress y tristeza den bida ta ora bo casa, famia of un bon amigo muri. Expertonan cu ta studia e dolor inmenso cu morto ta causa ta di acuerdo cu esey. Un articulo publica den The American Journal of Psychiatry ta bisa cu “morto ta un perdida permanente y sumamente doloroso.” Debi na e dolor insoportabel cu morto ta causa, e persona cu ta sufri kisas ta puntra su mes: Pa cuanto tempo lo mi sigui sinti asina? Lo mi por sinti mi feliz atrobe? Kico mi por haci pa mi haya consuelo?

Nos lo contesta e preguntanan ey den e edicion aki di Spierta! Den e siguiente articulo nos lo papia riba loke bo por spera si bo a perde un ser keri recientemente. Anto e articulonan despues di esey lo trata principionan di Bijbel cu por yuda calma bo dolor.

Ta nos deseo sincero cu e informacion den e revista aki lo consola y yuda tur hende cu ta sufriendo pa motibo cu nan a perde un ser keri.

^ par. 3 A cambia algun nomber den e serie di articulonan aki.