Sigui pa e contenido

Sigui pa e index

E determinacion pa keda cu otro ta manera un anker cu ta yuda un pareha casa pasa den tempo dificil

 PA PAREHA CASA

1: Determinacion

1: Determinacion

LOKE ESAKI TA NIFICA

Esposo- y esposanan cu ta determina pa keda cu otro ta mira nan matrimonio como un union permanente, y esey ta pone nan sinti safe. Cada un di nan tin confianza cu nan lo keda cu otro, hasta den tempo dificil.

Algun pareha ta sinti nan obliga di keda cu otro pa motibo di presion di famia, amigo y colega di trabou. Pero ta hopi mas mihor pa nan keda cu otro pasobra nan ta stima otro y ta respeta otro.

PRINCIPIO DI BIJBEL: “Un esposo no mester bay laga su esposa.”—1 Corintionan 7:11.

“Si bo ta determina pa keda cu bo casa, lo bo no rabia lihe y lo bo ta lihe pa pordona y pidi despensa. Lo bo considera problema como obstaculo, y no como un motibo pa divorcia.”—Micah.

DICON ESEY TA IMPORTANTE?

Ora un pareha casa cu no ta determina pa keda cu otro haya problema, nan por conclui mas lihe cu nan no ta pas cu otro y busca tur manera pa divorcia.

“Hopi hende ta casa cu e pensamento cu si nan matrimonio no bay bon, nan por divorcia. Ora un pareha ta casa cu e pensamento cu divorcio ta un opcion, nan a cuminsa malo pasobra nan no ta determina pa keda cu otro.”—Jean.

LOKE BO POR HACI

PUNTRA BO MES:

Ora nos ta pleita cu otro ...

  • Mi sa pensa ta ken a manda mi casa cu ne?

  • Mi sa pensa con mi bida lo tabata si mi ta cu un otro hende?

  • Mi sa bisa: “Mi ta bay laga bo” of “Mi ta bay busca un hende cu si ta balora mi”?

Si bo contesta riba un of mas di e preguntanan aki ta si, esey kiermen cu a bira tempo pa fortalece bo determinacion pa keda cu bo casa.

PAPIA CU OTRO RIBA LO SIGUIENTE:

  • Acaso nos no ta dje determina ey mas pa keda cu otro? Si ta asina, dicon?

  • Kico ta loke nos por haci pa fortalece nos determinacion pa keda cu otro?

ALGUN SUGERENCIA

  • De bes en cuando, skirbi un cartita di amor pa bo casa.

  • Demostra cu bo ta determina pa keda cu bo casa door di pone potret di bo casa riba bo lessenaar na trabou.

  • Yama bo casa tur dia ora bo ta na trabou of ora boso no ta hunto.

PRINCIPIO DI BIJBEL: “No laga ningun hende separa loke Dios a uni bou di un yugo.”—Mateo 19:6.