Sigui pa e contenido

Sigui pa e index

 PARTI 7

Ken Hesus Tabata?

Ken Hesus Tabata?

Jehova a manda Hesus na tera. 1 Juan 4:9

Hopi tempo prome cu Jehova a crea Adam, el a crea un angel poderoso den cielo. Si nos kier agrada Jehova, nos tin cu scucha e angel aki tambe.

Cu tempo, Jehova a percura pa e angel aki nace como baby for di un birgen cu tabata yama Maria. El a nace den e stad di Betlehem y nan a yam’e Hesus.—Juan 6:38.

Tempo Hesus tabata riba tera, el a imita e cualidadnan di Jehova perfectamente. E tabata bondadoso, cariñoso y acercabel. Sin miedo el a siña hende e berdadnan tocante Dios.

 Hesus tabata un bon hende, pero toch nan a odi’e. 1 Pedro 2:21-24

Tambe Hesus a cura hende malo y lanta hende for di morto.

E lidernan religioso hudiu a odia Hesus, pasobra el a bisa nan cu nan siñansanan y nan obranan tabata malo.

E lidernan religioso a convence e gobernantenan Romano pa nan suta Hesus y mat’e.