Sigui pa e contenido

Sigui pa e index

Informacion

Informacion

ASIENTO Por fabor, tene consideracion cu otro hende. Corda cu por warda asiento solamente pa famia pega, pa hende cu bin hunto cu bo den auto, pa esnan cu ta biba hunto cu bo of pa esnan cu bo ta studia cu ne. No pone cos riba e stoelnan cu bo no a reserva.

BAUTISMO E asientonan reserva pa e candidatonan di bautismo lo ta dilanti di plataforma, a menos cu anuncia un otro caminda. E candidatonan pa bautismo mester ta sinta eynan prome cu e discurso di bautismo cuminsa riba diasabra. Cada candidato mester bin cu su mes serbete y un trahe di baño decente.

COS PERDI Y HAYA Mester hiba tur articulo haya na e Departamento di Cos Perdi y Haya. Si bo a perde algo, bay na e departamento aki y wak si bo ta hay’e. Mester hiba mucha cu a perde nan mayornan na e departamento aki. Pero, pa evita tension innecesario, por fabor wak bo yiunan bon y haci sigur cu nan ta hunto cu bo.

DONACION A haci bastante gasto pa percura asiento adecuado, sistema di zonido, ekipo pa pasa video y hopi otro servicio, pa asina nos por tin un congreso agradabel cu ta yuda nos hala mas cerca Jehova. Bo donacion di buena gana ta yuda cubri e gastonan aki y tambe ta sostene e obra mundial. Varios caminda den e luga di reunion aki tin caha di contribucion cu bo por reconoce facilmente. Nos ta aprecia tur donacion. Cuerpo Gobernante kier gradici bo pa e manera generoso cu bo ta apoya e interesnan di Reino.

EHBO Corda cu esaki ta pa caso di EMERGENCIA SO.

SERVICIO DI BOLUNTARIO Si bo ta desea di yuda cu e trabounan na congreso, meld na e Departamento di Informacion y Servicio di Boluntario.

USHER E ushernan t’ey pa yuda bo. Coopera cu nan y sigui nan instruccion relaciona cu parkeermento di auto, uzo di entrada y salida, wardamento di stoel, etcetera.

 REUNION SPECIAL

SCOL PA PREDICADOR DI REINO E pioneronan entre 23 y 65 aña di edad cu ta interesa pa amplia nan sirbishi ta ser invita pa asisti diadomingo atardi na e reunion pa e rumannan cu ta desea di bay e Scol pa Predicador di Reino. Lo anuncia e ora exacto y luga di e reunion aki.

Organisa pa e Cuerpo Gobernante di Testigonan di Jehova