Sigui pa e contenido

Polítika Global Tokante Uso di Dato Personal

Polítika Global Tokante Uso di Dato Personal

USO DI DATO PERSONAL

Mayoria di e kontenido di e website akí ta aksesibel sin ku e usuario tin ku registrá komo tal i sin ku e tin ku manda ningun informashon pa nos. Sinembargo, tin algun opshon ku ta disponibel solamente pa usuario registrá, usuario ku entregá sierto petishon òf solisitut, òf usuario ku un kongregashon di Testigunan di Yehova a manda nan datonan via jw.org. Ta a base di bo konsentimentu nos ta prosesá bo datonan personal. Den sierto kaso, lei por duna nos base legítimo pa sigui prosesá bo datonan asta si bo hala atras bo konsentimentu, basta nos hasi esei konforme loke lei ta rekerí al respekto.

Ora bo manda dato personal pa nos riba e website, nos ta usa e datonan ei solamente pa kumpli ku e meta ku nos a indiká na bo na momento ku bo a entregá nan. E metanan ei por ta, entre otro:

Kuenta. Nos por usa e adrès di e-mail ku bo duna ora bo habri un kuenta riba e website akí, pa tuma kontakto ku bo pa un ke otro asuntu relashoná ku bo kuenta. Por ehèmpel, si bo lubidá bo nòmber di usuario òf password i bo pidi asistensia pa por log in, lo bo risibí asistensia via un mensahe mandá na e adrès di e-mail ku tin den bo perfil di usuario.

Solisitut. Bo por usa e website akí pa entregá solisitut, i bo kongregashon tambe por usa e website akí pa entregá un solisitut pa bo. Den un kaso asina, lo usa e datonan suministrá solamente pa prosesá i trata e solisitut i pa otro meta atministrativo ku ta relashoná ku esei. Nos lo por kompartí e datonan riba bo solisitut ku otro sukursal òf organisashon afiliá di Testigunan di Yehova den diferente pais, si esei ta nesesario pa por prosesá bo solisitut.

Donashon. Si bo hasi un donashon di sèn online, nos ta tuma bo nòmber i informashon di kontakto. Pa risibí donashon via tarheta di krédito, nos ta traha ku algun kompania akreditá ku ta ofresé servisio di prosesamentu di pago online ku ta traha a base di polítika di taya mundial riba tereno di siguridat i privasidat di dato. Nos por risibí informashon finansiero, manera bo number di tarheta di krédito òf number di kuenta di banko, ku ta nesesario pa prosesá bo donashon, i nos por manda e informashon nesesario pa e kompanianan ku ta ofresé e servisio di prosesamentu ei. E manera ku nos ta protehá bo datonan ora di prosesá bo donashon ta kumpli ku e normanan internashonal di siguridat ku industria di tarheta di pago ta apliká (Payment Card Industry Data Security Standard, òf “PCI DSS”). E entidat ku risibí e donashon ta warda un registro di e transakshonnan finansiero pa mínimo dies aña. Den e transakshonnan ei tin entre otro e fecha, e montante i e método ku bo a usa pa hasi e donashon. Nos ta warda e datonan akí pa nos por kumpli ku norma di kontabilidat i respondé kualke pregunta ku lo bo por hasi nos durante e periodo menshoná. Nos lo no tuma kontakto ku bo pa pidi mas donashon.

Petishon pa Mas Informashon òf un Kurso di Beibel. Via nos website, bo por pidi mas informashon tambe, òf un kurso di Beibel. Nos lo usa e datonan personal ku bo manda ku bo petishon solamente pa kumpli ku e petishon spesífiko ei. Nos por kompartí bo datonan ku otro sukursal òf organisashon afiliá di Testigunan di Yehova, si esei ta nesesario pa kumpli ku bo petishon.

Otro meta. Bo por manda dato personal (manera bo nòmber, adrès di pòst i number di telefòn) pa otro meta tambe ku no ta pa habri kuenta, manda solisitut i hasi donashon. Den kada kaso, lo splika bo ta pa kiko nos ta invitá bo duna nos informashon. Nos lo no usa bo informashon pa niun meta ku nos no a splika ora bo a duna nos bo datonan.

Nos ta kompilá, warda i usa e datonan personal akí solamente pa e meta pa kua bo a manda nan, i nos lo warda nan solamente durante e tempu nesesario pa kumpli ku e metanan ei òf otro meta legítimo ku por tin. Si den un kaso asina bo disidí di no manda sierto dato ku nos a pidi, kisas lo bo no por haña akseso na sierto parti di e website òf nos lo no por atendé bo petishon.

E datonan ku bo manda huntu ku bo petishon òf solisitut ta aksesibel pa esnan ku ta prosesá dato, pa kumpli ku e meta ku kua ta prosesá e datonan, i/òf pa personal di asistensia tékniko ku tin tarea relashoná ku operashon i mantenshon di e sistema tékniko. Nos no ta duna niun otro persona bo datonan personal a ménos ku (1) esei ta nesesario pa nos por brinda e servisio ku bo a pidi, i nos a informá bo kompletamente ku nos ta bai pasa bo datonan pa tal persona; (2) di buena fe nos ta konvensí ku, pa kumpli ku un òf mas lei òf regla di gobièrnu, ta rasonablemente nesesario pa nos kompartí e informashon ku otro persona òf entidat; (3) nos tin ku hasi esei pa kumpli ku un petishon di outoridatnan di kadena hudisial; òf (4) esei ta nesesario pa konstatá i prevení froude, en konekshon ku asuntu di siguridat òf tékniko. E echo ku bo ta usa e website akí ta nifiká ku bo ta di akuerdo pa nos kompartí bo datonan personal ku tersero, pero solamente ku e metanan menshoná. Bou di ningun sirkunstansia nos lo no bende, troka ni hür ningun dato personal ku bo manda.

TRANSFERENSIA DI DATO PA EKSTERIOR

E organisashon religioso ta funshoná mediante diferente entidat lokal ku tin rònt mundu. Algun di e servernan ku e website akí ta riba dje ta ubiká na Merka. Nos por transferí bo datonan pafó di e pais kaminda bo ta biba, inkluso kisas pa un pais kaminda e leinan ta ofresé un otro nivel di protekshon di dato, i no ta den tur kaso e nivel di protekshon di dato ei lo ta ekivalente na esun di e pais kaminda bo ta biba aktualmente. Ora nos ta traha ku bo datonan personal i transferí nan, nos ta tuma medida formulá spesífikamente pa protehá bo datonan. Pa loke ta tur organisashon afiliá di Testigunan di Yehova òf ku ta apoyá nan trabou, nos ta spera di nan ku nan ta kumpli ku nos polítikanan pa protekshon di dato i ku e lei- i reglanan di gobièrnu vigente riba tereno di dato personal.

Na momento ku bo bishitá e website akí i komuniká ku nos elektrónikamente, esei ta enserá ku bo ta bai di akuerdo pa nos transferí bo datonan pa otro teritorio na e manera deskribí aki riba.

BO DERECHONAN

Ki ora ku nos prosesá dato personal, nos ta tuma medida rasonabel pa hasi sigur ku bo datonan personal ta kuadra i keda aktualisá, pa e meta ku kua a kompilá nan. Dependiendo di e pais den kua bo ta biba i e leinan pa protekshon di dato ku ta na vigor ei, bo por tin e siguiente derechonan relashoná ku e datonan personal ku bo a manda pa nos:

  • Bo por pidi informashon tokante kon ta kompilá i usa bo informashon personal, konforme e leinan ku ta na vigor lokalmente;

  • Bo por pidi pa haña akseso, korigí, kita òf blòkia un informashon personal di bo si e ta inkompleto òf si e no ta korekto;

  • Si bo tin base legítimo pa esei, bo por entregá un opheshon tokante prosesamentu di bo informashon personal i pidi nos pa no sigui prosesá bo datonan mas.

Si e pais kaminda bo ta biba tin lei pa protekshon di dato ku ta aplikabel i bo ta deseá di korigí, kita òf haña akseso na bo datonan personal, bo por haña e informashon di kontakto riba e página di Data Protection Contacts.

Ora e data controller konserní risibí bo petishon por eskrito, i despues ku bo presentá sufisiente prueba di bo identidat i sufisiente informashon pa nos por identifiká kua ta bo datonan personal, e data controller lo pone den balansa tantu e interes ku e individuo tin di aksesá, korigí òf kita e dato komo e interesnan legítimo di e organisashon, konsiderando entre otro si e organisashon su derecho di libertat religioso i di praktiká religion por bin den peliger si kumpli ku e petishon, i asina evaluá e petishon na un manera hustu. Si tin ku hasi kualke kambio, nos lo notifiká tur tersero tambe ku a risibí e datonan.

Tene kuenta ku si lei ta eksigí pa prosesá bo datonan òf si tin otro base legal pa keda sin kita nan, kisas lo no kita bo datonan. Por ehèmpel, mantené dato riba base kontinuo tokante un individuo su státus komo Testigu di Yehova ta di interes pa e organisashon religioso. Si deshasí di e informashon ei, esei lo stroba e organisashon indebidamente di ehersé su derecho di kreensia- i práktikanan religioso. Ora di disidí si nos por kumpli ku un petishon pa kita dato personal, nos ta mará na loke e leinan aplikabel ta eksigí di nos relashoná ku dunamentu di informashon òf wardamentu di dokumento. Serka bo instansia lokal ku ta supervisá protekshon di dato personal tambe bo por entregá keho tokante e manera ku a prosesá e datonan ku bo a duna via e website akí.

Polítika Global Tokante Uso di Dato Personalpolitika-global-tokante-uso-di-dato-personalPolítika Global Tokante Uso di Dato PersonalPolítika Global Tokante Uso di Dato PersonalPolítika Global Tokante Uso di Dato Personal