Sigui pa e contenido

Polítika Global di Testigunan di Yehova pa Protekshon di Dato

Polítika Global di Testigunan di Yehova pa Protekshon di Dato

E organisashon mundial di Testigunan di Yehova (di awor padilanti, “e organisashon religioso”) ta respetá derecho di privasidat i di protekshon di dato di tur individuo. E organisashon religioso ta rekonosé ku tantu komunikashon habrí i franko komo kompilashon di dato personal i dato personal sensitivo ta indispensabel pa por atendé e nesesidatnan di Testigunan di Yehova individual i kumpli ku su aktividatnan religioso i karitativo. Na mes momento, e organisashon ta rekonosé tambe e nesesidat di mantené konfidensialidat i hasi sigur ku informashon ta protehá na un manera adekuá. (Proverbionan 15:22; 25:9) Konfidensialidat ta algu ku nos ta balorá mashá.—Proverbionan 20:19.

Vários pais a pasa lei pa protekshon di dato ku e meta di garantisá derecho di privasidat di hende individual. E organisashon religioso, inkluso su sukursalnan lokal, tin un trayektoria largu respetando derecho di privasidat i manteniendo konfidensialidat, asta promé ku e leinan pa protekshon di dato a drenta na vigor. Konforme loke ta su kustumber pa hopi tempu kaba, e organisashon religioso lo sigui protehá e informashon ku e ta risibí.

Prinsipio di Protekshon di Dato. E organisashon religioso ta trata tur dato personal di akuerdo ku e siguiente prinsipionan:

  1. Ta prosesá dato personal na un manera hustu i konforme lei.

  2. Ta kompilá, prosesá i usa dato personal solamente te asina leu ku ta nesesario pa kumpli ku e organisashon religioso su propósitonan religioso i karitativo.

  3. E datonan personal mester ta korekto i mester tene nan al dia. Si tin kualke fout, lo korigí esaki mas lihé posibel ora e organisashon religioso haña sa di esei.

  4. Ta warda dato personal solamente durante e tempu nesesario pa por kumpli ku e propósito(nan) legítimo di e organisashon religioso.

  5. Ta tene debido kuenta ku e nesesidat di respetá e derechonan di e persona konserní.

  6. Ta tuma medida teknológiko i organisashonal adekuá pa prevení divulgashon no outorisá òf ilísito di dato personal. Tur kòmpiuter riba kua tin dato personal lo ta protehá ku password, i ta e usuarionan outorisá so tin e passwordnan akí den nan poder. Despues di ora di ofisina, ta sera ofisina na lòk i ta personal outorisá so tin akseso pa drenta.

  7. No ta transferí dato personal di un sukursal pa otro, a ménos ku esei ta nesesario pa kumpli ku e propósitonan religioso i karitativo di e organisashon religioso. Tur Testigu di Yehova a duna nan konsentimentu pa esaki na momento ku nan a tuma e desishon personal liber di identifiká nan mes komo Testigu di Yehova.

E prinsipionan di protekshon di dato akí ta regla uso di dato personal deskribí den e buki Organisá pa Hasi e Boluntat di Yehova, ku kada Testigu di Yehova ta risibí ora e bira un publikadó. Pa mas informashon, wak Organisá pa Hasi e Boluntat di Yehova.

Un individuo tin derecho di konta ku protekshon di su datonan personal i datonan personal sensitivo, i di eksigí ku ta korigí òf kita su datonan personal òf datonan personal sensitivo. E derechonan akí ta basá riba e práktika di Testigunan di Yehova deskribí den e Polítika Global tokante Uso di Dato Personal, bou di e título Bo Derechonan.

E Polítika Global di Testigunan di Yehova pa Protekshon di Dato ku ta aparesé aki riba ta deskribí kiko Testigunan di Yehova ta usa komo base pa e manera ku nan ta trata dato personal rònt mundu.

Polítika Global di Testigunan di Yehova pa Protekshon di Datopolitika-global-di-testigunan-di-yehova-pa-protekshon-di-datoPolítika Global di Testigunan di Yehova pa Protekshon di DatoPolítika Global di Testigunan di Yehova pa Protekshon di DatoPolítika Global di Testigunan di Yehova pa Protekshon di Dato