“Oracion ta e remedi mas poderoso contra desanimacion”

PLAY

Dia 19 di juni 2026, Corte di e Stad di Surgut di e Area Autonomo di Khanty-Mansi—Yugra a sentencia Rumannan Roman Khorikov, Yuriy Khorikov y Kirill Severinchik. Nan a duna e rumannan aki castigonan di prizon condicional di, respectivamente, seis aña cu cuater luna, seis aña cu seis luna y cuater aña.

Informacion personal

Roman Khorikov

Naci na: 1988 (Surgut)

Batisa na: 2009

Background: Tabata un mecanico. A casa cu Filiya na 2020. Su tata, Yuriy, a ser sentencia den e mesun caso hudicial

Acusa di: Organisa y financia actividadnan di un organisacion extremista

Sentencia: Castigo di prizon condicional di seis aña y cuater luna

Loke nos ruman a bisa

Kico a yuda bo trata cu e insiguridad di no sa kico ta bay pasa cu bo?

Henter e tempo aki, mi a sinti manera mi tabata mara na un cadena, pa warda nan bin rista nos cas, pa nan entrega un acusacion, pa e caso hudicial cuminsa y pa finalmente mi haya mi sentencia. E inseguridad a pone mi sinti mi paralisa. Sinembargo, semper mi a haya cu oracion ta e remedi mas poderoso contra desanimacion. Mi ta drama mi pensamento- y sintimentonan di mas profundo dilanti di Jehova y despues mi ta busca pa mira e bendicion di mas chikito. Esaki ta pone cu henter ora Jehova ta e centro di mi pensamento y esey ta produci un pas cu niun hende no por kita.

Yuriy Khorikov

Naci na: 1967 (Union Sovietico)

Batisa na: 2004

Background: Tabata traha na banco. A casa cu Irada na 1987. Nan tin un yiu homber y un yiu muher. Nan yiu, Roman, a ser sentencia den e mesun caso hudicial

Acusa di: Organisa y financia actividadnan di un organisacion extremista

Sentencia: Castigo di prizon condicional di seis aña y seis luna

Loke nos ruman a bisa

Kico ta yuda bo pa bo no cay den pensamento y sintimento negativo?

Proverbionan 24:10 ta bisa: “Si bo ta laga situacion dificil desanima bo, lo bo no tin masha forsa.” Mi sa cu mi mester ta fuerte y pesey mi ta purba di keda positivo tur ora. Ta hopi importante pa mi keda focus riba mi speransa. Y mi ta corda mi mes tur ora cu nos ta bibando den e parti final di e ultimo dianan y cu pronto e problemanan aki lo yega na un fin. Papia tur dia cu Jehova tocante tur mi preocupacionnan semper ta duna mi alivio. Ademas, mi ta masha agradecido mes na mi esposa y yiu muher. Nan sosten y amabilidad cu nan ta mustra na mi henter ora, tanto den palabra y accion, ta un fuente di fortaleza constante pa mi.

Kirill Severinchik

Naci na: 1997 (Surgut)

Background: Tabata un electricien di lift. Su tata, Ruman Artur Severinchik, a ser sentencia prome y nan a dun’e un castigo di prizon condicional di seis aña y tres luna

Acusa di: Participa den reunionnan religioso di testigonan di Jehova

Sentencia: Castigo di prizon condicional di cuater aña

Loke nos ruman a bisa

Kico e experencia aki a siña bo?

Pasando den e prueba aki, hopi cos a bay for di mi control. Pero, loke si ta den mi poder pa haci ta di fiha e prioridadnan corecto. E mundo aki ta sigui bay di malo pa pio. Pesey ami ta sigui aumenta e cantidad di alimento spiritual cu mi ta tuma. Esey ta inclui pone suficiente tempo un banda pa lesa y medita riba e Palabra di Dios. Mi sa sigur cu tanten cu mi sigui haci esaki, hamas Jehova lo bandona mi.

Ta un consuelo pa sa cu Jehova ta masha pendiente di tur loke su sirbidornan tin mester y semper ta cla pa fortalece y sostene nan.—Salmo 121:3, 4.

“Oracion ta e remedi mas poderoso contra desanimacion”

Informacion personal

Scoge un Idioma