Lari

Dia 4 di juli 2025, Ruman Delphin Kavusa, un miembro di e Comite di Sucursal di Congo (Kinshasa), a presenta e Bijbel—E Bon Noticia Segun Mateo, y tambe e bukinan di Marco, Lucas, Juan, Echonan, Romanonan, 1 Corintionan, Galationan y Filipensenan den idioma Lari. A presenta e nuebe bukinan di Bijbel aki na e 1.022 presentenan di e Congreso Regional “Adoracion Puro” 2025 na Brazzaville, Republica di Congo. Tur presente a haya un copia imprimi di e Bijbel—E Bon Noticia Segun Mateo. Tur nuebe buki di Bijbel tabata di biaha disponibel pa download riba jw.org y den e aplicacion di JW Library.

Den Republica di Congo rond di 1,5 miyon hende ta papia Lari. Testigo di Jehova a cuminsa produci literatura biblico den e idioma ey na 1996. Awe casi 500 ruman ta sirbi den e shete congregacionnan Lari den henter e pais.

Valenciano

Dia 4 di juli 2025, Ruman José García, un miembro di e Comite di Sucursal di Spaña, a presenta e publicacion di e Traduccion di Mundo Nobo di e Scritura Griego Cristian den idioma Valenciano. A haci e anuncio aki riba e prome dia di e Congreso Regional “Adoracion Puro” 2025 teni den e Salon di Asamblea na Benidorm, Alicante. En total 702 hende tabata presente y por lo menos 250 mas a wak e via video conferencia. A parti copianan imprimi di e Scritura Griego Cristian na esnan presente. Tambe a haci e version digital di e Bijbel aki di biaha disponibel pa download riba jw.org y den e aplicacion di JW Library.

Den henter Spaña, rond di 2,5 miyon hende ta papia Valenciano. Entre nan tin 760 ruman cu ta sirbi den 15 congregacion di idioma Valenciano.

Cinamwanga

Dia 11 di juli 2025, Ruman Kena Kunda, un miembro di e Comite di Sucursal di Zambia, a presenta e Bijbel—E Bon Noticia Segun Mateo, hunto cu e bukinan di Marco, Lucas y Juan den idioma Cinamwanga. A presenta e Bijbel aki na un publico di 1.134 hende reuni pa e prome dia di e Congreso Regional “Adoracion Puro” 2025 na Isoka, Zambia. Tur presente a haya un copia imprimi di e Bijbel—E Bon Noticia Segun Mateo. E cuater bukinan di Bijbel a bira disponibel di biaha pa download den forma digital y cu audio riba jw.org y den e aplicacion di JW Library.

Mas of menos 140.000 hende na Zambia ta papia Cinamwanga. Actualmente tin casi 3.000 ruman ta sirbi den 52 congregacion di idioma Cinamwanga den henter e pais.

Gallego

Dia 11 di juli 2025, Ruman Andrew Weaver, un miembro di e Comite di Sucursal di Spaña, a presenta e publicacion di e Traduccion di Mundo Nobo di e Scritura Griego Cristian den idioma Gallego. Tabatin 878 hende presente pa scucha e anuncio, cual a tuma luga na e prome dia di e Congreso Regional di “Adoracion Puro” 2025 na e stad di Santiago de Compostela. Tur presente a haya un copia imprimi di e Bijbel aki. Tambe a hacie disponibel di biaha pa download riba jw.org y den e aplicacion di JW Library.

Segun calculo, un 3,4 miyon hende rond mundo ta papia Gallego. Na Spaña tin mas cu 1.000 ruman den 17 congregacion di idioma Gallego ta comparti e bon noticia cu nan prohimo.

Kokola

Dia 11 di juli 2025, Ruman Marcelo Santos, un miembro di e Comite di Sucursal di Mozambique, a presenta e Bijbel—E Bon Noticia Segun Mateo, hunto cu e bukinan di Marco, Lucas y Juan den idioma Kokola. E publicacion a ser anuncia durante e Congreso Regional “Adoracion Puro” 2025 den e Salon di Asamblea di Liciro, districto di Milange. Tur e 1.445 presentenan a haya un copia imprimi di e Bijbel—E Bon Noticia Segun Mateo. Tambe, tur cuater buki di Bijbel a bira disponibel di biaha pa download riba jw.org y den e aplicacion di JW Library.

Esaki ta e prome bukinan di Bijbel traduci den idioma Kokola. E casi 2.300 rumannan cu ta papia Kokola na Mozambique ta masha contento mes pa tin tur e cuater relatonan di e Evangelio den nan mes idioma.

Macua

Dia 11 di juli 2025, Ruman Castro Salvado, un miembro di e Comite di Sucursal di Mozambique, a presenta e publicacion di henter e Traduccion di Mundo Nobo den idioma Macua. Esaki a ser anuncia riba e prome dia di e Congreso Regional “Adoracion Puro” 2025 na e 2.005 presentenan, hunto cu 2.670 hende cu a sigui e programa via video conferencia for di tres otro luga unda a tene e congreso na Mozambique. Tur presente na e cuater congresonan a haya un copia imprimi di e Traduccion di Mundo Nobo. Tambe, e Bijbel aki a bira disponibel di biaha pa download riba jw.org y den e aplicacion di JW Library, den forma digital y cu audio.

Rond di seis miyon hende ta papia Macua, y como tal e ta ser considera un di e idiomanan mas grandi den e provincianan Norte di Mozambique. Nos tin casi 2.600 ruman ta sirbi den 60 congregacion di idioma Macua. Nan ta ansioso pa bay uza e Traduccion di Mundo Nobo den sirbishi, den nan studio personal y na reunion di congregacion.

Romani (Oost Slovakia)

Dia 11 di juli 2025, Ruman Roman Roch, un miembro di e Comite di Sucursal di Checo-Slovakia, a presenta e publicacion di e Traduccion di Mundo Nobo di e Scritura Griego Cristian den idioma Romani (Oost Slovakia). A haci e anuncio aki durante e Congreso Regional “Adoracion Puro” 2025 na Kosice, Slovakia. Tabatin 6.779 presente, ademas di 1.124 cu a sigui e programa via video conferencia. E Bijbel aki a bira disponibel di biaha pa download riba jw.org y den e aplicacion di JW Library. Copianan imprimi lo bira disponibel mas na fin di 2025.

Mundialmente un 200.000 hende ta papia Romani (Oost Slovakia). Entre nan tin mas cu 1.000 ruman. Den e teritorio di e sucursal di Checo-Slovakia so tin 10 congregacion y un grupo di idioma Romani (Oost Slovakia). Pero, tambe tin varios congregacion y grupo na Alemania y Reino Uni.

Lendu

Dia 18 di juli 2025, Ruman Patrik Weiss, un miembro di e Comite di Sucursal di Congo (Kinshasa), a presenta e Bijbel—E Bon Noticia Segun Mateo, hunto cu e bukinan di Marco, Lucas, Juan, Romanonan y Filipensenan den idioma Lendu. A presenta e bukinan di Bijbel aki na e 477 hende cu a bin e Congreso Regional “Adoracion Puro” 2025 na e Salon di Asamblea na ITU Bunia Lumumba Yambi-Yaya, Republica Democratico di Congo. Tur presente a haya un copia imprimi di e Bijbel—E Bon Noticia Segun Mateo. Tambe, e bukinan di Bijbel aki a bira disponibel di biaha pa download riba jw.org y den e aplicacion di JW Library.

Den e Republica Democratico di Congo y algun parti di Uganda tin rond di 1 miyon hende ta papia Lendu. Awe tin mas cu 560 ruman ta sirbi den 11 congregacion di idioma Lendu den Republica Democratico di Congo y Uganda.

Nsenga (Zambia)

Dia 18 di juli 2025, Ruman John Musuba, un miembro di e Comite di Sucursal di Zambia, a presenta e Bijbel—E Bon Noticia Segun Mateo den idioma Nsenga (Zambia). E anuncio aki a ser haci riba e prome dia di e Congreso Regional “Adoracion Puro” 2025 na Petauke, Zambia. Tabatin 2.165 hende presente na e congreso y nan tur a haya un copia imprimi di e Bijbel—E Bon Noticia Segun Mateo. Ademas, e Bijbel aki a bira disponibel di biaha pa download riba jw.org y den e aplicacion di JW Library.

Mas cu 405.000 hende ta papia Nsenga (Zambia). Den henter Zambia tin un 11.000 ruman ta sirbi den 145 congregacion di idioma Nsenga (Zambia).

Basco

Dia 25 di juli 2025, Ruman Óscar Martínez, un miembro di e Comite di Sucursal di Spaña, a presenta e publicacion di e Traduccion di Mundo Nobo di e Scritura Griego Cristian den idioma Basco. A haci e anuncio aki na e 302 presentenan riba e prome dia di e Congreso Regional “Adoracion Puro” 2025 den e stad Donostia-San Sebastián. Ademas, 49 hende a sigui e programa via video conferencia. Esnan presente a ricibi un copia imprimi di e Traduccion di Mundo Nobo di e Scritura Griego Cristian. Tambe e Bijbel aki a bira disponibel di biaha pa download riba jw.org y den e aplicacion di JW Library.

Awe rond di un miyon hende ta papia Basco na Spaña. Actualmente tin 250 ruman ta sirbi den cinco congregacion den e region Basco.

Mam

Dia 25 di juli 2025, Ruman Armando Ochoa, un miembro di e Comite di Sucursal di America Central, a presenta e Bijbel—E Bon Noticia Segun Mateo, hunto cu e bukinan di Marco, Lucas, Filemon y Judas den idioma Mam. A duna e anuncio aki na e 513 hende asistiendo na e Congreso Regional di 2025 “Adoracion Puro” den e stad Quetzaltenango, Guatemala. Tabatin tambe 80 hende ta sigui e programa via video conferencia. Tur presente a haya un copia imprimi di e Bijbel—E Bon Noticia Segun Mateo. Ademas, e cinco bukinan aki a bira disponibel di biaha pa download den version digital y cu audio riba jw.org y den e aplicacion di JW Library.

Ta ser calcula cu tin mas cu 840.000 hende bibando na Guatemala, Mexico y Merca ta papia Mam. Awe, por lo menos 500 ruman ta sirbi den 18 congregacion y un grupo di idioma Mam den e teritorio di America Central.

Manyawa

Dia 25 di juli 2025, Ruman Wayne Wridgway, un miembro di e Comite di Sucursal di Mozambique, a presenta e publicacion di e Traduccion di Mundo Nobo di e Scritura Griego Cristian den idioma Manyawa na e Congreso Regional di 2025 “Adoracion Puro” den e stad Mocuba. E 781 presentenan a scucha e anuncio. Anto un 763 hende mas a sigui e programa via video conferencia. A parti copianan imprimi di e Scritura Griego Cristian na tur e presentenan. Ademas, e Bijbel aki a bira disponibel di biaha pa download den version digital riba jw.org y den e aplicacion di JW Library.

Esaki ta e prome traduccion di henter e Scritura Griego cu a yega di ser produci den idioma Manyawa. Rond di 219.000 hende ta papia e idioma aki. Entre nan tin mas cu 500 ruman ta sirbi den 13 congregacion di idioma Manyawa na Mozambique.

Taabwa

Dia 25 di juli 2025, Ruman Russel Ngoy, un miembro di e Comite di Sucursal di Congo (Kinshasa), a presenta e Bijbel—E Bon Noticia Segun Mateo, hunto cu e bukinan di Marco, Romanonan, 1 y 2 Corintionan, Galationan, Efesionan, Filipensenan, Colosensenan y 1 cu 2 Tesalonicensenan den idioma Taabwa. A haci e anuncio aki na e 3.958 presentenan na e Congreso Regional di 2025 “Adoracion Puro” den e Salon di Asamblea na Moba, Republica Democratico di Congo. A parti copianan imprimi di e Bijbel—E Bon Noticia Segun Mateo na tur presente. Ademas, e bukinan aki a bira disponibel di biaha pa download den version digital y cu audio riba jw.org y den e aplicacion di JW Library.

Den e Republica Democratico di Congo tin mas cu 1,3 miyon hende ta papia Taabwa. Awe mas cu 1.700 ruman ta sirbi den 35 congregacion di idioma Taabwa den henter e pais.

Uruund

Dia 25 di juli 2025, Ruman Marcos Rozas, un miembro di e Comite di Sucursal di Congo (Kinshasa), a presenta e publicacion di e Traduccion di Mundo Nobo di e Scritura Griego Cristian, hunto cu e buki di Bijbel Cantica di Salomon den idioma Uruund. A haci e anuncio aki na e 1.769 presentenan na e Congreso Regional di 2025 “Adoracion Puro” den e stad Musumba, Republica Democratico di Congo. Tur presente a haya un copia imprimi di e Scritura Griego Cristian. Tambe, e bukinan aki a bira disponibel di biaha pa download den version digital y cu audio riba jw.org y den e aplicacion di JW Library.

Rond di 153.000 hende den e provincia Lualaba na Republica Democratico di Congo ta papia Uruund. Entre nan tin 627 di nos rumannan cu awe ta sirbi den 16 congregacion y grupo di idioma Uruund.