Na augustus 2025, Taiwan ta celebra 25 aña desde cu nan a implementa e programa di servicio civil alternativo. E programa ta duna oportunidad na esnan cu ta nenga servicio militar pa motibo di nan creencia religioso, pa yuda comunidad den un hospital, cas di cuido y otro sector publico. Mas di 1.000 di nos rumannan a participa den e programa desde cu el a cuminsa.

Prome cu e areglo di servicio civil alternativo, ora un ruman hoben yega e edad pa drenta servicio militar, e mester a bay corte y e ruman ta haya un sentencia pa bay prizon pa motibo di su consenshi. Den algun caso, e por a sirbi varios sentencia di prizon te ora cu e yega un edad caminda servicio militar no tabata obligatorio mas.

Un di e rumannan, Chengzhang Yang, cu a pasa 4 aña den prizon prome cu e programa a cuminsa, a bisa: “E programa ta duna e rumannan hoben testigo di Jehova e oportunidad pa cumpli cu nan deber civil sin compromete nan creencia. Nos ta masha agradecido pa e areglo aki.”

Comentando riba e resultado positivo di e programa di servicio civil alternativo, señor Che-fang Shen, director-general di Departamento di Administracion di Reclutamento Militar, a bisa recientemente: “E metodo aki no solamente ta respeta derechonan humano, sino tambe ta balansa interes nacional, responsabilidad social y creencia religioso. Mi ta kere cu esaki ta un maneho cu ta beneficia tur hende.”

Nos ta agradecido cu e programa di servicio civil alternativo na Taiwan ta permiti nos rumannan pa cumpli cu nan deber civil mientras cu nan ta sigui “busca prome e Reino.”—Mateo 6:33.