Sigui pa e contenido

Ta Dios Su Falta Cu Nos Ta Sufri?

Ta Dios Su Falta Cu Nos Ta Sufri?

E contesta cu Bijbel ta duna

Bijbel ta contesta bon cla cu no! Sufrimento nunca tabata parti di Jehova Dios su proposito pa humanidad. Loke a pasa ta cu nos prome mayornan a rebeldia contra Dios su gobernacion y a scoge pa nan mes dicidi kico ta bon y malo. Nan a bira lomba pa Dios y a sufri e consecuencianan.

Awe nos ta experencia e efectonan di nan mal decision. Pues, Dios di niun manera ta esun cu ta causa sufrimento.

Pesey Bijbel ta bisa: “Ora un hende ta pasa den prueba, e no mester bisa: ‘Dios ta pone mi na prueba.’ Pasobra ningun hende no por pone Dios na prueba cu cos malo, y e mes tampoco no ta pone ningun hende na prueba cu cos malo.” (Santiago 1:13) Tur hende por haya nan cu sufrimento, hasta esnan cu tin Dios su aprobacion.