Sigui pa e contenido

Ta Malo pa Casa cu Hende di Otro Rasa?

Ta Malo pa Casa cu Hende di Otro Rasa?

E contesta cu Bijbel ta duna

Den bista di Dios tur rasa ta igual. Pesey, Dios no tin nada contra pa hende di diferente rasa casa cu otro. Bijbel ta bisa cu Dios no ta haci distincion di persona, pero ta acepta tur hende di tur nacion.—Echonan 10:34, 35.

Laga nos analisa algun otro principio di Bijbel relaciona cu e tema aki.

Tur rasa tin e mesun origen

Tur hende ta bin di e prome homber Adam y di su casa, Eva. Bijbel ta yama Eva “mama di tur ser bibo.” (Genesis 3:20, Beibel Santu) Pesey, Bijbel ta bisa: “For di un hende [Dios] a traha tur nacion.” (Echonan 17:26) Esey ta nifica cu tur hende di tur rasa ta forma parti di un solo famia. Awor kico si caminda bo ta biba tin hopi prehuicio racial of discriminacion?

Ta bon pa papia cu otro adelanta

Aunke Dios no tin nada contra pa hende di diferente rasa casa cu otro, no ta tur hende ta pensa mescos. (Isaias 55:8, 9) Si acaso bo ta pensa di casa cu un persona di un otro rasa, ta bon pa abo y bo futuro casa papia encuanto lo siguiente:

  • Con lo bo trata cu e presion cu bo famia of comunidad lo por pone riba bo?

  • Con lo bo yuda bo yiunan trata cu prehuicio racial?

Si boso papia riba e cosnan aki for di adelanta, boso lo por tin exito den boso matrimonio.—Proverbionan 13:10; 21:5.