Bijbel no ta bisa cu cada hende tin un angel wardador. Ta berdad cu Hesus a bisa un biaha: “Wak pa boso no desprecia un di e chikitonan aki [Cristo su discipelnan], pasobra mi ta bisa boso cu nan angelnan den cielo semper ta mira cara di mi Tata cu ta den cielo.” (Mateo 18:10) Pero, en bes di bisa cu cada hende tin un angel wardador, Hesus simplemente a bisa cu angel tin hopi interes den cada un di su discipelnan. Pesey, Dios su sirbidornan berdadero no ta tuma risico pensando cu angel di Dios lo proteha nan.

Esey kiermen cu angel no ta yuda hende? No. (Salmo 91:11) Algun hende ta convenci cu Dios a duna nan guia y proteccion mediante angel. Kenneth, menciona den e prome articulo, a pensa esey. Aunke nos no ta completamente sigur, e por tin rason. Testigonan di Jehova hopi biaha ta haya prueba cu nan ta ricibi yudansa di angel ora nan ta predica. Pero como cu angel ta invisibel, nos no por bisa te na ki grado Dios ta uza nan pa yuda hende cu diferente asunto. Sinembargo, no tin nada malo pa gradici e Todopoderoso pa cualkier yudansa cu nos ta pensa cu el a duna.—Colosensenan 3:15; Santiago 1:17, 18.