Sigui pa e contenido

Sigui pa e index

E Berdad Tocante Futuro

E Berdad Tocante Futuro

Bo a yega di puntra bo mes kico ta spera nos den futuro? Bijbel ta bisa cu pronto sucesonan importante lo tuma luga cu lo afecta nos tur.

Hesus a splica con nos lo por sa “cu e Reino di Dios ta cerca.” (Lucas 21:31) El a profetisa cu lo bay tin, entre otro, gueranan grandi, temblornan fuerte, scarsedad di cuminda y epidemia. Esey ta precisamente loke ta pasando awendia.—Lucas 21:10-17.

Bijbel ta bisa tambe cu den e “ultimo dianan” di gobernacion humano e hendenan lo comporta nan mes malo. Bo por lesa tocante e profecia ey na 2 Timoteo 3:1 pa 5. Siguramente bo ta di acuerdo cu e palabranan aki ta describi e actitud- y accionnan di hende cu ta rond di nos.

Kico esaki ta nifica? Wel, cu aki poco tempo e Reino di Dios lo trece cambionan grandi cu lo haci nos bida aki riba Tera hopi mas mihor. (Lucas 21:36) Den Bijbel, Dios a priminti cosnan bon pa Tera y pa tur esnan cu lo biba riba dje. Ban wak algun ehempel.

BON GOBERNACION

“Y na dje [Hesus] a wordo duna dominio, gloria y un reino, pa tur pueblo, nacion y hende di tur idioma por sirbie. Su dominio ta un dominio eterno cu lo no pasa nunca, y su reino ta un cu lo no wordo destrui.”DANIEL 7:14.

Loke esaki ta encera: Dios a establece un gobierno mundial cu ta superior na tur otro gobierno y Hesus ta e Rey. Bou di e gobierno aki, nos lo por ta feliz pa semper.

 BON SALUD

“Ningun habitante lo no bisa: ‘Mi ta malo.’”ISAIAS 33:24.

Loke esaki ta encera: Nos lo no sufri di ningun incapacidad y nos lo no bira malo. Nos lo tin e oportunidad di biba sin muri nunca mas.

PAZ MUNDIAL

“E ta haci gueranan stop te na e fin di Tera.”SALMO 46:9.

Loke esaki ta encera: Lo no tin menasa di guera mas y lo no tin tur e sufrimento cu guera ta causa.

LO TIN BON HENDE TUR CAMINDA

“E malbado lo no t’ey mas ... E humildenan lo hereda e Tera.”SALMO 37:10, 11.

Loke esaki ta encera: Lo no tin mal hende mas, sino solamente esnan cu kier obedece Dios.

PLANETA TERA LO TA UN PARADIJS

“Nan lo traha cas y biba den nan; tambe nan lo planta cunucunan di wendruif y come nan fruta.”ISAIAS 65:21, 22.

Loke esaki ta encera: Henter planeta Tera lo bira bunita. Dios lo contesta nos oracionnan, esta pa su boluntad sosode “riba Tera.”—Mateo 6:10.