Sigui pa e contenido

Sigui pa e index

 YUDANSA ORA BO PERDE UN SER KERI

Con pa Deal cu Tristeza​—Loke Bo Por Haci

Con pa Deal cu Tristeza​—Loke Bo Por Haci

Si bo ta busca conseho encuanto con pa supera bo tristeza, bo ta haya masha hopi sugerencia, pero tin ta mas mihor cu otro. Kisas e motibo ta cu, manera nos a menciona caba, tur hende ta expresa tristeza na un manera diferente. Loke ta yuda un persona kisas no ta yuda un otro persona.

Pero toch tin algun conseho cu a yuda varios hende. Hopi biaha expertonan ta uza e consehonan ey pa conseha esnan cu ta den tristeza. E consehonan aki ta refleha principionan cu a resulta di ta confiabel y cu bo por haya den un buki di sabiduria cu no ta bira ouderwets, esta Bijbel.

1: ACEPTA YUDANSA DI FAMIA Y AMIGONAN

  • Algun experto ta haya cu esaki ta e factor mas importante cu lo yudaun hende supera tristeza. Pero tin biaha lo bo desea di ta bo so. Kisashasta lo bo por sinti cu esnan cu ta purba yuda bo ta irita bo. Ta normalpa sinti asina.

  • No pensa cu henter ora bo mester tin hende rond di bo, pero no aleha dihende tampoco. Pasobra den futuro kisas lo bo tin mester di nan sosten.Na un manera bondadoso, laga hende sa kico bo tin mester y kico no.

  • Na harmonia cu bo necesidadnan, purba haya un balansa entre e tempocu bo ta pasa cu otro hende y e tempo cu bo ta pasa bo so.

PRINCIPIO: “Dos ta mihor cu un . . . Pasobra si un di nan cay,esun lo lanta su compañero.”​—Eclesiastes 4:9, 10.

 2: COME SALUDABEL Y TRAHA TEMPO PA HACI EHERCICIO

  • Un dieta balansa lo yuda bo deal cu e stress cu bo ta haya debi na bo dolor. Purba come diferente fruta, berdura y proteina cu no ta hopi vet.

  • Bebe hopi awa y otro co’i bebe cu ta saludabel.

  • Si bo no tin mucho gana di come, come porcionnan chikito cu mas frecuencia. Kisas lo ta bon tambe pa puntra bo dokter si ta necesario pa tuma un suplemento cu balor nutritivo. *

  • Ta bon tambe pa cana y haci otro ehercicionan pa reduci emocionnan negativo. Ora bo ta haci ehercicio, esey por ta un oportunidad pa medita riba e perdida di bo ser keri of pa bo no pensa riba dje.

PRINCIPIO: “Nunka niun hende no a odia su mes kurpa; ma e ta kuid’éi aliment’é.”—Efesionan 5:29, BPK.

3: DRUMI SUFICIENTE

  • Semper ta importante pa drumi,pero esaki ta mas importante aindapa esnan cu tin tristeza pasobratristeza por causa mas cansanciocu normal.

  • Tene cuidou cu e cantidad di cafeinay alcohol cu bo ta tuma, pasobra turdos por stroba bo di drumi.

PRINCIPIO: “Un man yen di sosiego ta mihor cu dos mokete yen di trabou y coremento tras di biento.”—Eclesiastes 4:6.

 4: NO COMPARA BO MES CU OTRO HENDE

  • No lubida cu tur hende ta expresa nan tristeza na un otro manera. Finalmente,ta abo mes mester saca afo ta cua ta e mihor manera pa deal cu bo tristeza.

  • Hopi hende ta haya cu papia di nan tristeza ta yuda nan deal cu e situacion,pero tin otronan cu ta prefera di no papia di nan tristeza. Expertonan tindiferente opinion tocante e importancia di expresa tristeza ora bo perde unser keri. Si bo ta sinti cu bo mester desahoga bo sintimentonan cu un hendepero ta duda pa haci esey, kisas ta mas facil pa cuminsa papia tiki tiki di bosintimentonan cu un bon amigo.

  • Tin hende ta haya cu ora nan yora, esey ta calma nan dolor; siendo cu tinotro hende cu ta supera nan tristeza maske nan no ta yora mucho.

PRINCIPIO: “Cada curason conoce su mes amargura.”—Proverbionan 14:10, New International Version.

 5: EVITA BICIO

  • Tin hende cu ta purba calma nan dolor door di uza droga y bebe di mas. Pero si bo haci esey, bo ta causa bo mes daño. Y cualkier alivio cu bo sinti ta temporal y ta trece consecuencianan serio. Pesey, purba calma bo dolor na un manera cu no ta causa daño na bo mes.

PRINCIPIO: “Laga nos limpia nos mes di tur impuresa.”—2 Corintionan 7:1.

6: SEA BALANSA

  • Hopi hende ta haya cu ta bon pa tuma tempo pa haci algun actividad cu tayuda nan pa no keda focus henter ora riba nan tristeza.

  • Kisas bo por calma bo dolor door di fortalece bo amistad cu amigonancu bo tin caba, cera amistadnan nobo, siña haci cosnan nobo of diberti bomes un poco.

  • Cu tempo, probablemente bo situacion lo cambia. Kisas lo bo nota cu bo tasinti bo mas mihor y cu bo ta pasa menos tempo expresando bo tristeza.Esey ta un señal cu bo ta superando bo dolor.

PRINCIPIO: “Tin un tempo stipula pa tur cos ... Un tempo pa yora y un tempo pa hari, un tempo pa tene rouw y un tempo pa balia.”—Eclesiastes 3:1, 4.

 7: MANTENE UN RUTINA

  • Bolbe bek na bo rutina diario mas pronto posibel.

  • Si bo tin un orario pa drumi, traha y haci otro actividadnan, bo bida lo normalisa te na cierto grado.

  • Si bo mantene bo mes ocupa cu actividadnan cu ta haci bo sinti bon, esey por calma bo dolor emocional.

PRINCIPIO: “E lo no recorda e añanan di su bida masha, pasobra Dios ta ten’e ocupa cu e alegria di su curason.”—Eclesiastes 5:20.

8: NO TUMA DECISIONNAN GRANDI MUCHO LIHE

  • Hopi hende cu tuma decisionnan grandi despues cu nan a perde un ser kerita lamenta esey despues.

  • Si ta posibel, warda pa un periodo di tempo rasonabel prome cu bo muda,cambia di trabou of deshaci di e pertenencianan di bo ser keri cu a muri.

PRINCIPIO: “E plannan di hende balente siguramente ta conduci na abundancia [of, “bentaha”, NW], ma tur esnan cu tin pura, siguramente ta resulta den pobreza.”—Proverbionan 21:5.

 9: KEDA CORDA RIBA BO SER KERI

  • Hopi hende ta haya cu ta beneficioso pa haci cosnan cu ta tene e recuerdo di nan ser keri bibo.

  • Kisas bo por tene potretnan of recuerdonan na man of traha un dagboek di momentonan importante cu bo kier keda corda. Esaki por calma bo dolor.

  • Warda obhetonan cu ta pone bo corda riba cosnan agradabel. Y ora bo ta sinti cu bo ta cla, bo por wak nan.

PRINCIPIO: “Corda e dianan di prome aya.”—Deuteronomio 32:7.

10: TUMA VAKANTIE

  • Kisas lo ta bon pa wak si bo por tuma vakantie.

  • Si bo no por tuma un vakantie largo, kisas bo por haci algo cu bo tagusta haci pa solamente un of dos dia, por ehempel, bishita un parke,bay beach of haci un rondtrip cu bo amigonan.

  • Hasta un cambio chikito den bo rutina por yuda bo deal cu bo tristeza.

PRINCIPIO: “Ban cu mi, boso so, na un luga solitario y sosega un poco.”—Marco 6:31.

 11: YUDA OTRO HENDE

  • No lubida cu ora bo ta yuda otro hende, abo tambe lo sinti mihor.

  • Por ta bo por cuminsa yuda bofamia y amigonan cu tambe tatristo debi na morto di bo ser keri.Kisas nan tambe tin mester di uncompañe pa desahoga nan mescu ne.

  • Ora bo sostene y consola otronan, esey por yuda bo haya bo alegriabek y pone bo sinti cu bo bida tin proposito atrobe.

PRINCIPIO: “Tin mas felicidad den duna cu den ricibi.”—Echonan 20:35.

12: REEVALUA BO PRIORIDADNAN

  • Tristeza por yuda bo mira kico ta realmente importante.

  • Probecha di e oportunidad pa analisa con bo ta uzando bo bida.

  • Si ta necesario, haci cambio den bo prioridadnan.

PRINCIPIO: “Ta mihor bay na un cas di rouw cu bay na un cas di fiesta, pasobra morto ta e fin di tur hende, y esun cu ta na bida ta tuma esaki na cuenta.”—Eclesiastes 7:2.

 Pa ta realistico, nada lo kita bo dolor completamente. Pero hopi hende cu a perde un ser keri y cu a aplica e sugerencianan cu nos a trata den e articulo aki ta bisa cu nan a haya consuelo. Claro cu e sugerencianan cu tin den e articulo aki no ta e unico manera pa alivia bo dolor. Pero si bo purba sigui algun di e sugerencianan ey, lo bo por haya un cierto grado di alivio.

^ par. 13 Spierta! no ta recomenda ningun tratamento medico en particular.