No ta husto cu bon hende ta sufri. Pesey tin hende ta pensa cu no ta bale la pena pa haci esfuerso pa ta un bon hende.

Tin hende ta kere cu cos malo ta sosode pa motibo di destino. Tin otro hende ta pensa cu Dios ta uza sufrimento pa castiga mal hende of pa test e fe di bon hende. Y tin hende ta bisa cu no ta posibel pa haya sa dicon bon hende ta sufri. Pero e pensamentonan aki ta lanta e siguiente preguntanan:

• Si tur cos ta sosode pa motibo di destino, pakico nos mester cuida nos salud y tuma bon decision?

• Si Dios ta interesa den nos, con e por ta asina cruel di laga nos sufri djis pa test nos?

  PA HAYA SA MAS

  Bay na jw.org y wak e video Dikon Dios Ta Permití Sufrimentu?

Sufrimento no ta un castigo di Dios.

Al contrario, mayoria di biaha, esaki ta sosode door cu nos ta na e luga robes na e momento robes.

“No ta semper esnan mas lihe ta gana e careda, ni no ta semper esnan sabi tin cuminda, ni no ta semper esnan inteligente tin rikesa, ni no ta semper esnan cu tin conocemento tin exito, pasobra tempo y suceso imprevisto ta alcansa nan tur.”​—ECLESIASTES 9:11, NW.

Nos ta sufri pasobra nos ta inclina na peca.

Hende hopi biaha ta uza e palabra “peca” pa referi na un cos malo cu un hende a haci. Pero, Bijbel ta uza e palabra aki tambe pa referi na e imperfeccion cu tanto bon hende como mal hende a hereda.

“Den inikidad mi a wordo forma, y den pica mi mama a concebi mi.”—SALMO 51:5.

Pica tabatin y tin consecuencia teribel pa hende.

Pica no solamente a causa daño na nos relacion cu Dios, sino tambe na nos relacion cu otro hende, na nos emocionnan y hasta a pone cu hende ta causa daño na Tera. Tur esey a trece hopi sufrimento, tanto pa hende individual como pa tur otro hende.

“Ora mi ta desea di haci loke ta corecto, loke ta malo ta den mi.”​—ROMANONAN 7:21.

“Henter creacion hunto ta sigui [keha] y ta keda den dolor.”​—ROMANONAN 8:22.