Nos ta gradici bo pa e tempo cu bo a tuma pa lesa e foyeto aki, pa siña conoce nos como testigonan di Jehova y haya sa mas di nos actividadnan y con nos organisacion ta funciona. Nos ta spera cu e foyeto aki a yuda bo identifica nos como esnan cu ta haci e boluntad di Jehova awe. Nos ta anima bo pa sigui siña conoce Dios, papia cu bo famia y amigonan tocante e cosnan cu bo ta siña y asisti regularmente na nos reunionnan hunto cu nos.—Hebreonan 10:23-25.

Lo bo ripara cu mas bo siña tocante Jehova, mas bo ta mira cuanto e stima bo. Y esaki lo motiva bo pa haci tur loke bo por pa demostra Jehova cu bo tambe stim’e. (1 Juan 4:8-10, 19) Pero, con bo por demostra bo amor pa Dios den e manera cu bo ta hiba bo bida? Pakico ta bon pa bo obedece su normanan moral? Y kico lo duna bo e deseo di haci e boluntad di Dios hunto cu nos? E Testigo cu ta studia Bijbel cu bo gustosamente lo kier yuda bo haya contesta pa e preguntanan aki pa asina abo y bo famia por “keda den e amor di Dios ... cu bida eterno na bista.”—Judas 21.

Di curason nos ta anima bo pa sigui progresa den e caminda di e berdad, studiando e buki “Keda den e Amor di Dios.”