Onlad karga

Anto so Mananguley ya Ulop na Saray Tasi nen Jehova?

Anto so Mananguley ya Ulop na Saray Tasi nen Jehova?

Say Mananguley ya Ulop et melag a grupo na responsable iran Kristiano ya mangiiter na direksion ed Saray Tasi nen Jehova ed interon mundo. Walay duaran importantin gagawaen da:

Tutumboken na Mananguley ya Ulop so alimbawan impanengneng na saray “apostol tan mamasiken ed Jerusalem” nen inmunan siglo, ya manggagawa ray importante iran desisyon parad interon Kristianon kongregasyon. (Gawa 15:2) Singa saraman ya matoor a lalaki, saray membro na Mananguley ya Ulop et aliwan lider na organisasyon mi. Kokonsultaen day Biblia bilang giya, tan bibidbiren da ya tinuro na Dios a Jehova si Jesu-Kristo bilang Ulo na kongregasyon.—1 Corinto 11:3; Efeso 5:23.

Siopa ray membro na Mananguley ya Ulop?

Manlapu la nen Enero 2018, saray membro na Mananguley ya Ulop et si Kenneth Cook, Jr., Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, tan David Splane. Wala rad world headquarters mi diad Warwick, New York, U.S.A.

Panon ya naoorganisa so Mananguley ya Ulop?

Walay anemiran committee ya inorganisa na Mananguley ya Ulop pian mangasikaso ed nanduruman kabiangay kimey mi, tan kada sakey ed sikara et manseserbi ed sakey odino onsulok ni ya committee.

  • Coordinators’ Committee: Mangaasikaso ed saray legal ya isyu, tan pangiter na tulong no walay kalamidad. Aasikasoen da met iray panagmaltrato tan panagpairap ed saray kamembro mi, tan arum nin problema ya apektado iray Tasi nen Jehova.

  • Personnel Committee: Mangaasikaso ed pankaukolan na saray membro na pamilyan Bethel.

  • Publishing Committee: Idadaulo da so pan-imprinta tan pangipawit ed saray base ed Biblian literatura tan pangipaalagey na saray pantitiponan, translation office, tan branch office mi.

  • Service Committee: Mangidadaulo ed panagpulong na “maong a balita na panarian.”—Mateo 24:14.

  • Teaching Committee: Mangaasikaso ed panprepara na espiritual ya instruksion ya ibabangat panamegley na saray aral, eskuelaan, tan audio tan video program mi.

  • Writing Committee: Mangaasikaso ed panprepara na espiritual ya instruksion ya aka-imprinta tan diad saray website, ontan met ed kimey ya panagpatalos.

Likud ed panseserbi ed sarayan committee, sinimban manmimiting so Mananguley ya Ulop pian pantongtongan iray pankaukolan na organisasyon. Diad sarayan miting, ikokonsidera day ibabaga na Biblia, tan papaigiya irad masanton espiritu na Dios pian makapankasakey irad desisyon da.—Gawa 15:25.

Siopa ray katulongan na Mananguley ya Ulop?

Saraya et matoor ya Kristiano ya ontutulong ed saray committee na Mananguley ya Ulop. (1 Corinto 4:2) Walay abilidad tan eksperiensya dad kimey na committee no iner ira inyasain, tan onaatendi rad sinimban miting na satan. Anggano ag-ira kaibad pandesisyon, mangiiter ira na importantin bilin tan makatulong iran impormasyon. tutumboken day desisyon na saray committee, tan imo-monitor day resulta na saraman ya desisyon. Iyaasain met ira na Mananguley ya Ulop ya ombisitad saray kaagian mid nanduruman pasen ed interon mundo tan manpaliwawa diad saray pantitipon a singa say annual meeting tan graduation na Gilead.

SARAY KATULONGAN NA MANANGULEY YA ULOP

Committee

Ngaran

Coordinators’

  • Ekrann, John

 

Personnel

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Publishing

  • Adams, Don

  • Butler, Robert

  • Corkern, Harold

  • Glockentin, Gajus

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Service

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Weaver, Leon, Jr.

 

Teaching

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Writing

  • Ciranko, Robert

  • Mantz, James

  • Marais, Izak

  • Myers, Leonard

  • Smalley, Gene

  • van Selm, Hermanus