Onlad karga

Akin et Inuman na Saray Tasi nen Jehova so Arum ed Saray Papanisiaan Da?

Akin et Inuman na Saray Tasi nen Jehova so Arum ed Saray Papanisiaan Da?

Naynay ya ibabase mid Biblia iray papanisiaan mi, kanian wala ray gagawaen min pananguman no mas onlinew so pakatalos mi ed Kasulatan. *

Say gagawaen min pananguman et akabase ed prinsipyo na Biblia ya walad Proverbio 4:​18: “Say basbas na matunong et singa liwawa na kabuasan ya onliliwawa lan onliliwawa anggad kagkaagewan la.” No panon ya no onsisinag so agew et kalkalnan nanengneng so itsura na dalin, say pakatalos ed katuaan na Biblia et kalkalna met ya ipapalinew na Dios, diad dugan panaon. (1Pe 1:10-12) Singa imbaga la na Biblia, mas papepelesen to iya legan na “panaon na anggaan.”​—Daniel 12:4.

Agkami nepeg ya nabigla odino manpaga ed sarayan pananguman ed pakatalos mi. Saray mandadayew ed Dios nensaman et alingo met ed saray iisipen da tan ed iilaloan da kanian kailangan dan umanen so pakatalos da.

Impetek lanlamang na Dios so pakatalos da, tan ipipikasi min ontan met so gawaen to ed sikami.​—Santiago 1:5.

^ par. 2 Agmi iyaamot irayan pananguman ed pakatalos mid Biblia. Diad tua, inyan mi iratan ed rekord tan im-publish mi. Singa bilang, nengnengen so “Beliefs Clarified” diad search box na Watchtower ONLINE LIBRARY.