Onlad karga

Siopay Manpupundod Kimey na Saray Tasi nen Jehova?

Siopay Manpupundod Kimey na Saray Tasi nen Jehova?

Say sankamundoan a kimey mi et pupundoan na saray boluntaryon donasyon manlapud kada membro na saray Tasi nen Jehova. * Diad saray pasen ya pantitiponan mi, wala ray kahon parad kontribusyon, tan say arum ya paraan pian makapandonasyon et nanengneng ed website mi diad page ya Donations. Wala ray napampilian ed pandonasyon, nayarin say sakey et mandonasyon parad sankamundoan ya kimey, parad local expenses, odino diad satan ya dua.

Ag-obligado iray Tasi nen Jehova ya mangiter na kakaplo o tithe, odino mandonasyon na espisipikon kantidad o porsiento manlapud sueldo ra. (2 Corinto 9:7) Agkamin balot mankokolekta odino manpapabayar ed saray aral mi, agmet manpapabayar iray ministro mi parad bautismo, ponpon, kasal, odino arum ni. Agkami mamapawala na kuarta panamegley na fundraising, singa say bake sale, panlako, bingo, carnival, panangan, raffle, odino arum nin okasyon, tan agkami met manso-solicit na donasyon. Agmi iiter odino ipapaamta ed arum so impormasyon na nandonasyon. (Mateo 6:2-4) Anggapo ray advertisement ed saray website tan publikasyon mi pian napawala iray pundo mi.

Kada kongregasyon na saray Tasi nen Jehova et mangiiter na binulan ya report nipaakar ed pundo ra. Regular so panu-audit ed saray record na accounts na kada kongregasyon pian naseguro ya nauusar ed dugan paraan so donasyon.​—2 Corinto 8:20, 21.

Saray Paraan na Pandonasyon

  • Saray kahon parad kontribusyon: Sarag moy mandonasyon na cash odino tseke diad kahon parad kontribusyon ed Kingdom Hall, Assembly Hall, odino arum ni ran lugar ya uusaren parad pantitipon mi.

  • Pandonasyon online: Diad dakel a bansa, sarag mon usaren so page ya “Donate to Jehovah’s Witnesses” diad website mi pian mandonasyon panamegley na saray credit card, debit card, bank transfer, tan arum ni ran elektronikon paraan. * Saray arum ya Tasi et mas labay day “mangibiig” kada bulan pian tuloytuloy iran makapandonasyon panamegley na sakey ed sarayan paraan.​—1 Corinto 16:2.

  • Implanon pandonasyon: Saray arum ya paraan na pandonasyon et mankaukolan na masakbay ya panagplano tan/odino onkerew na panangigiya o legal advice. Diad ontan et nayarin minabang ka ed saray benepisyo na panagbuis ya walad bansa yo. Dakel iray agunggonaan lapud naamtaan da iray paraan na pandonasyon ya sarag dan gawaen legan ya mabilay ni ra odino no siopay pangiteran da no ompatey ira. Ipangasin kontaken so branch office na saray Tasi nen Jehova diad bansa yo parad kaaruman ya impormasyon no labay yoy mandonasyon panamegley na saraya:

    • bank account

    • insurance tan retirement plan

    • real estate

    • stock tan bond

    • will tan trust

Parad kaaruman ya impormasyon parad paraan na pandonasyon ya walad bansa yo, nengnengen so page ya “Donate to Jehovah’s Witnesses.”

^ par. 1 Maliket met so arum ya aliwan Tasi a mandonasyon pian suportaan so kimey mi.

^ par. 5 Parad kaaruman ya impormasyon, bantayan so video ya Tutorial ed Pandonasyon.