Onlad karga

Onlad saray karga

JW.ORG WEBSITE

Anapen so Karga ed Sign Language

Anapen so Karga ed Sign Language

Maslak ya karga ed sign language et video. Wala la ray in-translate ya kabiangan na jw.org, kaiba lay home page diad arum ya sign language. Say arum ya sign language et agda ni in-translate so site, pero wala ray video na libro, magasin, tan arum nin publikasyon ya available ed seksion ya PUBLIKASYON.

Usaren so sakey ed sarayan paraan pian anapen so karga ed sign language:

 Manpili na Sign Language

  • Paraan 1: Pindoten so Language Picker pian nanengneng so kompleton listaan na lenguahe ya available ed jw.org.

  • I-check so Saray Sign Language Labat so I-display pian saray sign language labat so nanengneng ed listaan.

    Sarag to met ya i-type so ngaran na sign language diad text box. Ompaway labat iray lenguahe ya man-match ed ita-type mo.

  • Paraan 2: Pindoten so link ya “Manbantay na Sign-Language Video” ed home page. Manpili na sign language ed listaan.

No say site et in-translate lad sign language ya pinilim, magmaliw ya atan so lenguahe na site.

Mainomay ya napatnagan so site ya sign language ta walay icon na kada menu. Kada icon et irerepresenta toy sakey ya seksion na site.

Diad seksion ya PUBLICATIONS, say arum ya salita ya inusar ed menu et duma ed inusar diad sasalitaen ya lenguahe. Singa bilang, diad saray site ya sign language, say opsyon ya MUSIKA et SONGS.

Usaren iray menu pian nanengneng so karga ya aanapen mo. I-play odino i-download iray video ed sign language.

Onlad Seksion ya PUBLIKASYON

 Onlad PUBLIKASYON > IREREKOMENDA.

Diad drop-down list, pilien so labay ya sign language. Lapud nilasus so lenguahe ed listaan, makatulong no pindoten mo so drop-down list, insan i-type so ngaran na lenguahe. Ompaway labat iray lenguahe ya man-match ed ita-type mo.

No pigara labat so publikasyon ed pinilim ya sign language, amin iratan et nanengneng ed page ya IREREKOMENDA. Pero no dakel so publikasyon ed sign language ya pinilim, pigara labat ed saratan so nanengneng ed page ya IREREKOMENDA. Onlad saray klase na publikasyon (singa bilang, BIBLIA, MAGASIN, LIBRO TAN BROSYUR) pian ompaway ni ray arum ya klase na publikasyon ya available ed sign language.

Usaren so App ya JW Library Sign Language

Marakep ya usaren so app ya JW Library Sign Language no:

  •   mabetbet mon uusaren iray video ed sign language.

  • labay mon nausar irayan video ed gadyet mo anggano agka aka-connect ed Internet.

  • available so app ed sign language ya uusaren mo.

Parad arum nin detalye, onlad help page ya JW Library Sign Language.