Saray Istoryay Bilay Diad Magasin Tayo
Pindoten iray link ya walad leksab pian nabasam iray istoryay bilay na saray Tasi nen Jehova ya im-publish manlapu la nen 1955. Sarag mon nengnengen iray istorya ya akaayos base ed ngaran na too odino title na artikulo.
Istoryay Bilay na Saray Kaplesan ya Membro na Mananguley ya Ulop
Ompan Nagustoan Mo Met
SAY PANAG-BANTAYAN—PANARALAN YA EDISYON
Stéphane Landeroin: Inimano Ak na Amalsa
Amtaen no anto ray naaralan nen Stéphane tan say asawa ton si Claudine ed saray eksperiensya da nen nanlingkor ira bilang misionero, diad Bethel, tan diad kimey ed sirkito.
SAY PANAG-BANTAYAN—PANARALAN YA EDISYON
Ken Kiuchi: Misatsalamat Ak Ta Pipinoen Ak nen Jehova
Inistorya nen Ken Kiuchi no panon ya sikatoy pinino nen Jehova nen nanregular payunir tan nanlingkor ed Bethel, tan no panon ya pipinoen ni nen Jehova anggad natan diad asainmin to ed field.
SAY PANAG-BANTAYAN—PANARALAN YA EDISYON
Gustavo Joseph: Ngalngali 70 Taon Ak Lan Manlilingkor ed si Jehova Diad Cuba
Inistorya nen Gustavo Joseph so bilay dan sanasawa nen nanlingkor irad sirkito, nen nampamilya ra, tan nen atawag irad Bethel.
SAY PANAG-BANTAYAN—PANARALAN YA EDISYON
Si Mats tan Ann-Catrin Kassholm: Tinulongan Kami nen Jehova ya ‘Ombuna Diad Dalin ya Angitaneman To ed Sikami’
Dakel ya taon ya nanlingkor bilang full-time si Mats tan Ann-Catrin Kassholm. Inistorya da no antoy akatulong ed sikara pian mansiansia ran maliket ed asainmin da anggano aminpiga ran binagot tan intanem lamet.
SAY PANAG-BANTAYAN—PANARALAN YA EDISYON
Marianne Wertholz: Mabapbaing Ak, Pero Akapanmisionero Ak
Antoy akatulong ed si Marianne Wertholz pian nalabanan toy inkamabaing to tan makapanmisionero?
SAY PANAG-BANTAYAN—PANARALAN YA EDISYON
“Kien nen Jehova so Panlalaban”
Masulok lan 40 taon ya manlilingkor si Philip Brumley ed Legal Department diad world headquarters. Pribilehyo toy mikimeyan ed nanduruman branch office ed interon mundo tan onarap ed saray ataragey ya korte tan nanduruman opisyal na gobierno. Inistorya to no panon ton anengneng ya mismo ya antokaman so subok o pilalaban ya aarapen tayo, nasarag tayo iratan diad tulong nen Jehova. Apatunayan to ya “kien nen Jehova so panlalaban.”
