1. Bulag makanengneng lamet,

Makadngel met la ray telek,

Desierto karosasan la,

Kakelangan onsubol la.

Manlukso la ra so piley,

Inararoy ag-ompatey,

Amin ’ya naimatonan,

No onnengneng ka ed tumang.

2. Saray emel onsalita,

Tan matatken onugaw la,

Bungay dalin so daakan,

Mansiansia lay kaabigan.

Saray ugugaw mankanta,

Liket, deen, onlaknab la,

Tan say kioli natasian,

No onnengneng ka ed tumang.

3. Mandurungo lay kordero,

Baka, lobo, tan say oso,

Ugaw labat so manengteng,

Et sikaray ontalineng.

Saray lua so napunas la,

Ot-ot, paga, naandi la,

Sarayay naimatonan,

No onnengneng ka ed tumang.