Onlad karga

Onlad saray karga

Kasin Antam?

Kasin Antam?

Sinagoga nen Inmunan Siglo: Diad sayan litrato et nanengneng so itsura na sinagoga nen inmunan siglo diad Gamla, manga 10 kilometro ed amianen-bukig na Dayat na Galilea. Makaala tayoy ideya ed saya no antoy itsura na sinagoga nensaman

Panon ya ginmapo iray sinagoga?

SAY salitan “sinagoga” et nanlapud Griegon salita ya mankabaliksan na “pantitipon” odino “pandaragup.” Dugaruga itan ya tawag lapud saray sinagoga et pasen ya pantitiponan parad panagbangat tan panagdayew na saray Judio manlapu la nensaman. Diad Hebreon Kasulatan et agdirektan tinukoy so nipaakar ed saray sinagoga, balet malinew ed Kristianon Griegon Kasulatan ya saratan ya pasen a pantitiponan et wala la nen inmunan siglo C.E.

Manisia so dakel ya scholar ya ginmapo iray sinagoga nen nibantak iray Judio diad Babilonia. Oniay imbaga na Encyclopaedia Judaica: “Saramay Nibantak, lapud anggapoy Templo da, wala rad arum ya bansa, tan kaukolan day ligliwa ed pakakagonigon da, et mantitipon a sagpaminsan, nayarin no kada Sabaton, tan babasaen day Kasulatan.” Nen nibulos iray Judio manlapud inkibantak da, mapatnag ya intultuloy da so mantitipon pian manpikasi tan manbasa na Kasulatan, tan angipaalagey ira na sinagoga ed inerman a lugar ya nanayaman da.

Kanian nen inmunan siglo C.E., saray sinagoga so nagmaliw a manunan pasen ya pandadayewan tan panlilimogan na saray Judio ya nitaytayak ed interon Mediteraneo, Middle East, tan diad mismon Israel. “[Say sinagoga] et inusar da ya pasen parad panagaral, sagradon pandurungo, panlitis ed kaso, pangiinan na pundo, tan parad pantitipon pian pantongtongan so nipaakar ed politika tan saray isyu ed komunidad,” so kuan nen Lee Levine ya propesor ed The Hebrew University of Jerusalem. Inyarum to: “Siempre, say sankaimportantian et say panagdayew ya gagawaen ditan.” Agla sirin pankelawan no akin ya si Jesus et lanang ya oonla ed pantitipon diad saray sinagoga. (Mar. 1:21; 6:2; Luc. 4:16) Ditan et sikatoy nambangat, nambilin, tan pinaseseg to ray wadman. Kayarin niletneg so Kristianon kongregasyon, mabetbet met ya nampulong si apostol Pablo ed saray sinagoga. Natural labat ya saramay interesado ed espiritual iran bengatla et labalabay day onla ed sinagoga, kanian kada no onloob ed sakey a syudad si Pablo, kaslakan et diad sinagoga so unonan lalaen to insan ditan manpulong.​—Gawa 17:1, 2; 18:4.