SAY PANAG-BANTAYAN No. 3 2020 | Saray Agmanganggan Bendisyon na Maaron Dios
Anto ran bendisyon so impromisa na Dios ed totoo? Napantiwalaan mo kasi so Salita to? Aralen ed sarayan artikulo so nipaakar ed saray promisa na Dios, ipaliwawa no akin ya napanisiaan mo iratan, tan naamtaan mo no panon kan magmaliw ya maliket tan no panon mon naawat iratan ya bendisyon.
Panliketan Mo so Agmanganggan Bendisyon na Maaron Dios
Kasin labalabay mo lan naandi so guerra, krimen, tan sakit? Aliwa itan ya kugip; talagan impormisa itan na Dios.
Aasikasoen Itayo na Maaron Amalsa
Singa maaron ama, aasikasoen na Dios so pamilya to. Panon?
No Panon ya Ipapaamta na Amalsa Iray Balibalin Promisa To
Panon ya inusar na Dios iray propeta pian isulat so mensahe to?
Kasin Nauman Lay Karga na Salita na Dios?
Nengnengen no anto ray naamtaan na saray eksperto nipaakar ed saray nabasa tayo ed Biblia natan.
Nakabat Tayoy Dios Panamegley na Saray Propeta To
Makatulong iray taloran matoor ya propeta pian nakabat tayoy Dios tan no panon tayon naawat iray bendisyon to.
Tuloytuloy ya Kerewen so Panangabobon na Dios Diad Pikakasi
Panon so pampikasi tayo pian dengelen tan bendisyonan itayo na Dios?
Saray Bendisyon na Saramay Manguunor ed Dios
Imanoen so duaran rason no akin ya nabendisyonan itayo no unoren tayoy Dios.
No Panon Tayon Ipanengneng so Panangaro ed Kaparan Too
Aliwan lanang ya mainomay ya ipanengneng so panangaro ed arum, balet posiblin gawaen itan.
Saray Bendisyon na Saramay Ontutulong ed Mankaukolan
Panon ya say pansasagpot tayon tulongan so arum et makatulong pian naawat tayoy panangabobon tan bendisyon na Dios?
Panliketan Iray Agmanganggan Bendisyon na Amalsa
Antoy kipapasen na bilay ed mundo no sumpalen la na Dios iray promisa to ed si Abraham?
Naisip Mo La Kasi?
Naamtaan iray ebat ed saray tepet nipaakar ed problema tayo tan ed Dios.
