ONLIING! No. 2 2019 | Anemiran Leksion a Nepeg ya Ibangat ed Ananak

I-PLAY

Anemiran Leksion a Nepeg ya Ibangat ed Ananak

Anton ugali so labay mon niwala ed anak mo no adulto la?

Saratan ya ugali et agnaaralan ya bukor na ananak. Kaukolan day bilin mo.

Ipaliwawa ed sayan magasin so anemiran importantin leksion ya sarag mon ibangat ed anak mo—saray leksion ya ontulong ed sikato no adulto la.

Akin ya importante so kontrol ed sarili, tan panon ya naaralan itan?

No ibangat moy anak mo ya magmaliw ya mapaabeba, makatulong itan ed sikato natan tan anggad ibaleg to.

Saray anak ya naaralan day magmaliw ya matatag et akaparaan ya onarap ed saray mairap a situasyon ed bilay.

Diad anton edad makaaral so sakey a magmaliw ya responsable, no ugaw ni odino no adulto la?

Kaukolan na ananak so napanmatalkan ya bilin, balet iner so napangalaan dad satan?

No ibangat mod ananak mo iray atagey ya estandarte ed moral, marakep so pansumpalan da.

Kaukolan met na atateng so napanmatalkan a giya no panon a magmaliw ya maliket so bilay. Parad kaaruman ya impormasyon, onlad jw.org.