Onlad karga

Onlad saray karga

 PANGOBSERBA ED NAGAGAWAD MUNDO

Nagagawa ed Saray Relasyon

Nagagawa ed Saray Relasyon

No nipaakar ed relasyon, kasin say Biblia so unaan ya pangalaan moy bilin, odino sampot? Ikompara so karunongan na satan ed saray naamtaan ed agano ni.

India

Diad saray kabataan ya 18-25 so taon da, 61 porsiento so manisia ya say pan-sex antis na kasal et “aliwa lan baleg ya isyu ed India,” base ed survey nen 2014. Imbaga na sakey ya doktor ed Mumbai diad Hindustan Times ya diad opinyon to, “no onggapon mirelasyon iray kabataan et agto labay ya ibaga ya plano da lay mangasawa. Balanglan sanlabi labat itan ya relasyon, aliwan seryoso odino live-in, agla importante no kasin mantuloyan ira odino andi.”

ISIPEN PA: Kasin saray makaalis ya sakit ed sekso tan pakaka-trauma et mabetbet ya resulta na pan-sex antis na kasal o kayari kasal?1 Corinto 6:18.

Denmark

Saray mabetbet ya mikokolkol ed kapamilya da et mas baleg so posibilidad ya ompatey ira ed edad ya 35 anggad 50. Diad loob na masulok ya 11 taon, inobserbaan na saray researcher diad University of Copenhagen so ngalngali 10,000 totoon manedad na 35 anggad 50 tan naamtaan da a saramay mabetbet ya mikokolkol ed kapamilya ra et mas masakbay ya ompapatey nen saramay matalag ya mikolkol. Imbaga na autor na sayan research ya say pangarap ed kapagaan, pangasikaso ed saray pankaukolan, tan pan-ayos ed saray kolkolan et “nayarin ipasen ya importantin paraan pian napaliisan so masakbay ya ipatey.”

SAY IBABAGA NA BIBLIA: “Say makabat a too et popokpokan toy pansalita to, tan say toon makatebek et mansiansian kalmado.”—Uliran 17:27NW.

United States

Saray sanasawa ya mabetbet ya man-break insan manpawilan nen saninaro ni ra labat et mas baleg so posibilidad ya mansian ira diad unonan limaran taon da bilang sanasawa, base ed agano nin impanaral ed 564 ya kapankasal diad Louisiana. Nayarin mas mabetbet so kolkolan da tan ag-ira tanto maliket ed impiasawa ra.

SAY IBABAGA NA BIBLIA: “Say impankasakey na Dios [ed panangasawa], agnepeg a pansianen na too.”—Mateo 19:6.