Onlad karga

Onlad saray karga

LEKSION 01

Antoy Nitulong ed Sika na Biblia?

Antoy Nitulong ed Sika na Biblia?

No maminsan, wala ray nitetepet tayod bilay, paniirap, ipapatey, tan no antoy nagawad arapen. Tan panaaburidoan tayo met no antoy pambilay tayo tan no panon a magmaliw ya maliket so pamilya tayo. Dakel so mangibabaga ya atulongan ira na Biblia ya naebatan iray tepet da. Tan akatulong met ed sikara iray praktikal ya bilin na satan. Walay kabat mo ya natulongan na Biblia?

1. Anto ran tepet so eebatan na Biblia?

Eebatan na Biblia irayan importantin tepet: Panon ya ginmapo so bilay? Akin et wadia tayod planetan Dalin? Akin et maniirap iray totoo? Antoy nagawa ed sakey ya too no ompatey? Labay tayon amin so mareen ya bilay, pero akin et magulogulo so mundo? Diad arapen, anto kasi nagawad planetan Dalin? Walad Biblia so ebat ed saratan ya tepet tan malikeliket so dakel nen naamtaan day ebat.

2. Makatulong kasi Biblia pian magmaliw tayon maliket?

Nabasa ed Biblia iray duga tan makatulong ya bilin. Singa bilang, ibabangat na satan iray pamilya no panon iran magmaliw ya maliket. Tutulongan itayo met na satan no anto ray gawaen tayo no nai-stress tayo, tan no panon tayon na-enjoy so trabaho tayo. Legan ta’n aaralen ’yan publikasyon, dakel ni naamtaan mo ed Biblia. Tan nanengneng mo ya “say interon Kasulatan [amin ya walad Biblia] et . . . makagunggona” odino makatulong.​—2 Timoteo 3:​16.

Sayan publikasyon et aliwan kasalat na Biblia. Balet, makatulong iya pian naaral moy Biblia. Kanian marakep no basaen mo iray teksto ed Biblia ya walad kada leksion pian nanengneng mo no kasin tua iray aaralen mo.

DAKEL NI NAARALAN MO

Amtaen no panon ya atulongan na Biblia so arum, no antoy gawaen mo pian nagustoan mon basaen, tan no akin ya marakep ya patulongan kad arum pian natalosan moy Biblia.

3. Say Biblia et pinagkagiya o guide tayo

Say Biblia et singa maliwliwawan flashlight. Makatulong so Biblia pian makagawa tayo na saray dugan desisyon tan nanengneng tayo no anto ray nagawad arapen.

Basaen so Salmo 119:​105, insan ebatan iraya:

  • Parad samay nansulat ed sayan salmo, antoy kapareho na Biblia?

  • Parad sika, anto so Biblia?

4. Naebatan na Biblia iray tepet tayo

Naamtaan na sakey ya bii ya naebatan manaya na Biblia iray abaybayag lan tepet to. I-play so VIDEO, insan ebatan iraya.

  • Diad video, anto ray tepet na samay bii?

  • Panon ya akatulong ed sikato so impanaral toy Biblia?

Naaralan tayod Biblia ya aliwan mauges so mantepet. Basaen so Mateo 7:​7, insan ebatan iya:

  • Anto ray tepet mo ya nayarin walad Biblia so ebat?

5. Nagustoan mon basaen so Biblia

Labalabay na dakel ya basaen so Biblia tan maong so epekto to ed sikara. I-play so VIDEO, insan ebatan iraya.

  • Diad video, labalabay kasi na saray kabataan so manbasa?

  • Anggano aliwa ran mahilig ya manbasa, akin et labay dan basaen so Biblia?

Ibabaga na Biblia ya ibangat, ligliwaen, tan ikdan to tayo na ilalo odino pag-asa. Basaen so Roma 15:​4, insan ebatan iya:

  • Makatulong kasi ed sika ’yan imbaga na Biblia?

6. Makatulong so arum pian natalosan tayo so Biblia

Naamtaan na arum ya anggano babasaen da lan bukor so Biblia, balibali manaya no manpatulong met irad arum. Basaen so Gawa 8:​26-​31, insan ebatan iya:

Nampatulong so sakey ya lakin taga Etiopia pian natalosan toy babasaen to. Dakel natan so manpapatulong pian naaral day Biblia tan balibali resulta

IBABAGA NA ARUM: “Sasayangen mo labat so oras mod panaaral moy Biblia.”

  • Antoy iyebat mo? Akin ey?

SUMARYO

Naaralan ed sayan leksion ya makatulong iray bilin na Biblia ed bilay, ebatan to ray tepet tayo, ligliwaen tan ikdan to tayoy ilalo.

Rebyu

  • Anto ran bilin so walad Biblia?

  • Anto ran tepet so eebatan na Biblia?

  • Anto ray labay mon naaralan ed Biblia?

Salim iyan gawaen

DISKOBRIEN

Naamtaan ed saya no akin ya mausa-usar ni anggad natan iray bilin na Biblia.

“Saray Ibabangat na Biblia—Ag-onkukupas ya Karunongan” (Say Panag-bantayan No. 1 2018)

Nabantayan ed saya no panon ya akatulong so Biblia ed sakey ya laki ya nen ugaw ni, pakalikna to et anggapoy kuenta to.

No Panon a Nagmaliw ya Maliket so Bilay Ko (2:​53)

Amtaen iray makatulong ya bilin na Biblia parad pamilya.

“12 Sekreto na Maliket ya Pamilya” (Onliing! No. 2 2018)

Naamtaan ed saya so ibabaga na Biblia no siopan talaga so mangokontrol ed mundo.

Akin ya Aralen so Biblia?—Andukey a Bersion (3:​14)