Onlad karga

Onlad saray karga

 KAYAMANAN ED SALITA NA DIOS | LUCAS 10-11

Say Parabolo Nipaakar ed Maong a Samaritano

Say Parabolo Nipaakar ed Maong a Samaritano

10:25-37

Insalaysay nen Jesus iyan parabolo pian ebatan so tepet ya: “Siopa tay kaparak a too?” (Luc 10:25-29) Amta to ya say Kristianon kongregasyon et tugyopen na “amin a klase na totoo”​—kaiba iray Samaritano tan saray Gentil. (Jn 12:32) Imbangat na sayan parabolo ed saray papatumbok to ya kaukolan day mansagpot ya maong pian nipanengneng day panangaro ed arum, anggan diad saramay midumaan ya maong ed sikara.

TEPETAN MOY SARILIM:

  • ‘Antoy pangipapasen kod saray agagi ya duma so kultura da?’

  • ‘Kasin say lanang kon kaiba et saramay kaparehok na ugali tan hilig?’

  • ‘Sarag ko kasin lukasan ya maong so pusok, ya mas kabaten ko ray agagi ya duma so nanlapuan da?’ (2Co 6:13)

Siopay nayarin imbitaan ko ya . . .

  •  miulop ed siak diad ministeryo

  •  mangan ed abung mi

  •  milad Panagdayew na Pamilya mi