Onlad karga

Onlad saray karga

 BILAY NA KRISTIANO

Paaligwasen Iray Abilidad Tayod Ministeryo—Sabien so Puso Panamegley na “Mansiansia Kayo ed Panangaro na Dios”

Paaligwasen Iray Abilidad Tayod Ministeryo—Sabien so Puso Panamegley na “Mansiansia Kayo ed Panangaro na Dios”

NO AKIN YA IMPORTANTE: Kaukolan ya naamtaan na totoo iray prinsipyo nen Jehova tan unoren da iratan pian awaten toy panagdayew da. (Isa 2:3, 4) Say libron “Panangaro na Dios,” ya komaduan iyaaral a publikasyon, et ontulong ed saray iyaaralan pian natalosan da no panon ya niyaplikad inagew-agew ya bilay da iray prinsipyo ed Biblia. (Heb 5:14) Nepeg ya pansagpotan tayon sabien so puso da no ibabangat tayo ra pian nawalaan iray dugan motibo ya manguman.—Rom 6:17.

NO PANON YA GAWAEN:

  • Manparaan a maong, ya nonoten no anto ray pankaukolan na iyaaralan mo. Manggawa na saray tepet ya ontulong pian ibaga to ray iisipen tan nalilikna to nipaakar ed aaralen yo.—Pro 20:5; be 259

  • Usaren iray kahon diad libro ya ontulong ed iyaaralan pian nanengneng to ya importantin iyaplika iray prinsipyo ed Biblia

  • Tulongan so iyaaralan ya mankatunongan nipaakar ed saray dedesisyonan ya akadepende ed konsiensia, balet agmo idedesisyonan.—Gal 6:5

  • Mataktikan amtaen no kaukolan na iyaaralan so tulong ed pangiyaplika ed pigaran prinsipyo. Diad maaron paraan et pasesegen ya manggawa na saray pananguman lapud panangaro tod si Jehova.—Pro 27:11; Jn 14:31