Onlad karga

Onlad saray karga

 BILAY NA KRISTIANO

Malikeliket Iran I-welcome

Malikeliket Iran I-welcome

Siopa ray malikeliket tayon i-welcome? Siopaman ya onatendi ed saray aral tayo​—saray balo ni pati saray abayag lan kakaaro. (Rom 15:7; Heb 13:2) Nayarin sikatoy kapananisiaan ya ombibisita manlapud sananey ya bansa odino inaktibon agi ya first time toy onatendi kayari pigay taon. Imadyin moy naliknam no wala kad situasyon da. Agta naapresyam no maliket da kan i-welcome? (Mat 7:12) Kanian balibali no mansagpot kan onliber ed Kingdom Hall pian ibano so arum antis tan kayari na aral. Ontulong iya pian nipanengneng so aroan tan liket, tan mangigloria iya ed si Jehova. (Mat 5:16) Siempre, agtayo personal ya nakatongtong so amin ya inmatendi. Balet, nalikna da ya welcome ira no gawaen tayon amin so betang tayo. *

Say maaron pan-welcome et aglabat gagawaen ed espisyal iran okasyon a singa say Memoryal noagta diad amin a panaon. No nanengneng tan naeksperiensya na saray balo ni so Kristianon aro, nayarin napakiwas iran dayewen so Dios tan mila irad sikatayo ed dugan panagdayew.​—Jn 13:35.

^ par. 3 Wala ray prinsipyo ed Biblia ya mangipapanengneng ya agtayo nepeg ya ibano iray adispelo odino saray insian day sarili da ed kongregasyon ya onatendi ed saray aral.​—1Co 5:11; 2Jn 10.