Onlad karga

Kasin si Jesus et Sakey Labat ya Maong a Too?

Kasin si Jesus et Sakey Labat ya Maong a Too?

Say ebat na Biblia

Si Jesus et aliwa labat ya maong a too. Diad tua, sikato so sankamaimpluensyaan ya too ed history. Imanoen so imbaga na sarayan kabkabat ya historian tan managsulat tungkol ed si Jesus:

Si Jesus a taga Nazaret . . . so andi-duaruwan sankamaimpluensyaan ya too ed history.”​—H. G. Wells, historian ya taga England.

Anggapo lay arum ya nambilay diad dalin ya balbaleg so impluensya to ed saray totoo no ikompara ed si [Jesus] tan say impluensya to et tuloytuloy ni anggad natan.”​—Kenneth Scott Latourette, historian tan autor ya taga Amerika.

Ibabaga na Biblia no akin ya anggapon balot so toon makapipara ed impluensya ya intilak nen Jesus. Nen tinepetan nen Jesus iray maapit ya kakaaro to no antoy pakapikabat dad sikato, oniay dugan ebat na sakey ed sikara: “Sika so Kristo, say Anak na mabilay a Dios.”​—Mateo 16:16.