Onlad karga

Akin et Kaukolan so Manpikasi? Ebatan Kasi na Dios Iray Pikakasik?

Akin et Kaukolan so Manpikasi? Ebatan Kasi na Dios Iray Pikakasik?

Say ebat na Biblia

On, ebatan to. Napruebaan na Biblia tan saray totoon aka-eksperiensya la ya eebatan na Dios iray pikakasi. Ibabaga na Biblia: “Pepeneken [na Dios] so pirawat na saramay ontatakot ed sikato; dedengelen to so ikekerew day tulong, tan ililiktar to ra.” (Salmo 145:19) Balet akadepende ed sika no kasin ebatan na Dios so pikakasim.

No antoy importante ed Dios

  • Manpikasi ed Dios, aliwan diad si Jesus, Maria, saray santo, anghel, odino imahen. Si Jehova a Dios labat so “Dumerengel na pikakasi.”​—Salmo 65:2.

  • Manpikasi unong ed linawa o ganggan na Dios ya nabasa ed Biblia.​—1 Juan 5:14.

  • Manpikasi diad ngaran nen Jesus, ya bibidbiren so autoridad to. Imbaga nen Jesus: “Anggapoy makasabi ed Ama no aliwan diad panamegley ko.”​—Juan 14:6.

  • Manpikasi ya walay pananisia, tan onkerew ni na kaaruman ya pananisia no kaukolan.​—Mateo 21:22; Lucas 17:5.

  • Manpikasi ya mapaabeba tan nanlapud puso. Ibabaga na Biblia: “Anggaman atagtagey si Jehova, iimanoen toy mapaabeba.”​—Salmo 138:6.

  • Manpikasi ya maseet. Imbaga nen Jesus: “Mantultuloy kayon onkerew, tan naikdan kayo.”​—Lucas 11:9.

No antoy ag-importante ed Dios

  • Say lahi o bansan nanlapuan mo. “Anggapoy lalabien na Dios, noagta diad balang nasyon et makapaliket ed sikato so toon ontatakot ed sikato tan manggagaway duga.”​—Gawa 10:34, 35.

  • Say posisyon o posturam. Makapanpikasi kad Dios ya akayurong, akayuko, akatalimukor, odino akaalagey.​—1 Awaran 17:16; Nehemias 8:6; Daniel 6:10; Marcos 11:25.

  • Balanglan maksil odino makalna so pikakasim. Anggan saray pikakasin diad nonot labat et eebatan na Dios.​—Nehemias 2:1-6.

  • Balanglan seryoso odino agmasyadon importante so ipipikasim. Ibabaga na Dios ya ‘ipaawit mod sikato so amin a kapagaan mo, lapud iyaansakit to ka.’​—1 Pedro 5:7.