Onlad karga

Adiskobre na Arkeologo so Prueba ya Talagan Nambilay si Arin David

Adiskobre na Arkeologo so Prueba ya Talagan Nambilay si Arin David

Base ed Biblia, si Arin David na Israel et nambilay nen koma-11 siglo B.C.E. tan saray ilalak to et nanuley na nilasus a taon. Balet wala ray kritiko ya mangibabaga ya si Arin David et sakey a too ya inimbento labat. Talaga kasin nambilay si Arin David nensaman?

Nen 1993, adiskobre nen Avraham Biran tan saray kakaiba to so sakey a piraso na bato ed Tel Dan, diad amianen na Israel, ya akasulat ditan so inskripsion ya ontutukoy ed “Sankaabungan nen David.” Diad satan ya piraso na bato et inusar iray Semitiko iran letra nensaman, tan nisulat itan nen koma-9 siglo B.C.E. Mapatnag ya kabiangan itan na sakey a monumento ya impaalagey na saray Arameo, ya ditan et nanengneng so impanalo da ed saray Israelita.

Oniay nabasa ed sakey ya artikulo diad Bible History Daily: “Wala ray manduaruwa ed inskripsion ya ‘Sankaabungan nen David’ . . . Anggaman ontan, aawaten na dakel ya iskolar na Biblia tan arkeologo ya say piraso na bato ya nalmo ed Tel Dan so mangiter na sankaunaan a malinew ya ebidensya ya talagan nambilay si Arin David ya abitla ed Biblia, kanian sakey itan ed saray sankaimportantian ya adiskobre diad arkeologo nipaakar ed Biblia ya in-report na BAR [Biblical Archaeology Review].”