Diad loob na anemiran simba manlapu lad bandad sampot na Setyembre 2024, pitoran maksil ya bagyo so nantutumbokan ya linmoob ed Pilipinas tan dakel so dineral da. Say ngaran na sarayan bagyo et: Julian, Kristine, Leon, Marce, Nika, Ofel, tan Pepito. a Say bagyon Pepito so sampot ya bagyon linmoob nen Nobyembre 17, 2024. Makmaksil itan ta masulok ya 305 kilometro kada oras so kapeles na dagem to, kanian dakel ya kaabungan tan negosyo so aderal. Masulok ya 20 sentimetro ya uran so pinmelag ed arum ya abeban pasen kanian dinmelap tan inmagus so pitek. Delikado so situasyon ed saratan ya pasen kanian apilitan ya man-evacuate so nilasus nilibo ya totoo.

Masulok ya 12 milyon ya totoo ed Pilipinas so apektado ed sarayan maksil ya bagyo. Ngalngali 150 ya totoo so asugatan tan masulok ya 160 so inatey.

Bagyon Julian

• Anggapoy inatey o asakitan ya agagi tayo

• 2 ya abung so aderal ya maong

• 12 ya abung so aderal na daiset

• 1 ya Kingdom Hall so aderal na daiset

Bagyon Kristine

• Ipangasin nengnengen so artikulon “Dinalan na Bagyon Kristine so Pilipinas”

Bagyon Leon

• Anggapoy inatey o asakitan ya agagi tayo

• Anggapoy Kingdom Hall ya aderal

Bagyon Marce tan Nika

• Anggapoy inatey o asakitan ya agagi tayo

• 329 ya agagi so nan-evacuate

• 2 ya abung so ageray

• 14 ya abung so aderal ya maong

• 96 ya abung so aderal na daiset

• Anggapoy Kingdom Hall ya aderal

Bagyon Ofel tan Pepito

• Anggapoy inatey o asakitan ya agagi tayo

• 27 ya agagi so nan-evacuate

• 10 ya abung so ageray

• 58 ya abung so aderal ya maong

• 102 ya abung so aderal na daiset

• 12 ya Kingdom Hall so aderal na daiset

• Likud ed espiritual ya panamaseseg tan suporta na saray representative na branch, saray manangasikaso na sirkito, tan saray elder ed saray apektadon lugar, indaulo da met so pangiter na praktikal ya tulong ed saray apektado na sarayan bagyo

• 20 ya Disaster Relief Committee so binuo pian mangasikaso ed pangiter na saray relief ed nanduruman pasen na bansa

Matalek tayo ya tuloytuloy ya ligliwaen nen Jehova tan “imanoen toy pikakasi” na amin ya nanairapan lapud epekto na saray maksil ya bagyo ya dinmalan ed Pilipinas.—Salmo 102:17.