Nen Disyembre 24, 2019, nan-landfall so bagyon Phanfone, ya say ngaran tod Pilipinas et Ursula, diad probinsya na Eastern Samar. Anggapoy Tasi nen Jehova ya inatey odino arisgo. Balet, 464 ya abung na saray agagi tayo tan 6 ya Kingdom Hall so aderal. Kanian amorma so branch ed Pilipinas na limaran Disaster Relief Committee pian mangitarya na espiritual tan materyal a tulong ed saray agagin manaayam ed pigaran isla ya dinalan na sayan kalamidad.

Say bagyon Ursula so koma-21 ya bagyo ya dinmalan ed Pilipinas nen 2019. Likud ed satan, diad agano ni labat et aminpiga met ya yinmegyeg ed bandad south na Pilipinas. Kanian, ami-amin et walay 18 ya Disaster Relief Committee ya kaplesan ya onaaksion pian mangiter na tulong.

Misalsalamat tayo lapud tuloytuloy ya mansusungdo iray agagi tayo ed Pilipinas tan manmamatalek ira ed si Aman Jehova, say Dios tayo ya “maar-aro tan mapangasi.”​—Santiago 5:11.