Nen Marso 28, 2025 walay agawan magnitude 7.7 ya yegyeg diad bandad pegley na bansan Myanmar. Lapud satan tan ed maksil iran nantutumbokan ya agawan aftershock, aderalderal iray taytay, bilding, tan saray karsada diad syudad na Mandalay tan ed kaliberliber na satan. Base ed saray report ed satan ya bansa, walay masulok ya 3,400 ya asugatan, masulok ya 1,700 so inatey, tan manga 300 so nababalang ni.

Diad Bangkok, Thailand ya masulok ya 1,300 kilometro so kaarawi to ed Myanmar, walay ageray ya atagtagey ya bilding lapud satan lanlamang ya makmaksil ya yegyeg. Walay 18 ya kompirmadon inatey, 33 so asugatan, tan masulok nin 75 so nababalang ed Thailand.

Say Epekto ed Saray Agagi Tayo

Myanmar

• Makapaermen ta walay sanasawan agagi tayo ya inatey

• 9 ya agagi so asugatan

• 142 ya agagi so nan-evacuate

• 6 ya abung so ageray

• 25 ya abung so aderal ya maong

• 52 ya abung so aderal na daiset

• 2 ya Kingdom Hall so aderal ya maong

• 4 ya Kingdom Hall so aderal na daiset

Thailand

• Anggapoy inatey ya agagi tayo

• 2 ya agagi so asugatan

• 52 ya agagi so nan-evacuate

• 4 ya abung so aderal ya maong

• 69 ya abung so aderal na daiset

• 8 ya Kingdom Hall so aderal na daiset

Say Pangiiter na Relief

• Pinaseseg na saray manangasikaso na sirkito tan saray elder iray agagi diman, tan indaulo da met so pangiter na praktikal ya tulong ed saray apektado

• Walay 1 ya Disaster Relief Committee ya inyasain ed Myanmar pian mangorganisa ed pangiter na saray relief

Makapaermen ta dakel so inatey tan aderal lapud sayan yegyeg. Pero segurado tayon sumpalen na Dios iray promisa to diad arapen, tan tatalaranan tayo la imay panaon ya anggapo lay narengel tayon “tanol na pannangis odino panakis lapud gonigon.”—Isaias 65:19.