Onlad karga

Mayo 23, 2019
RUSSIA

Sinuportaan na Korte na Apela so Desisyon ya Ipriso si Dennis Christensen

Sinuportaan na Korte na Apela so Desisyon ya Ipriso si Dennis Christensen

Nen Mayo 23, 2019, ag-inawat na taloran huis ed Oryol Regional Court so apela nen Dennis Christensen tan sinuportaan da so akaunan desisyon na korte ya sikatoy anem taon ya ipriso. Manga 80 ya agagi tayo so inmatendi ed impanbista na korte ed kaso. Wadman met iray opisyales ya nanlapud Australia tan Denmark. Say resulta na sayan kaso et nibabalita la ed interon mundo panamegley na news media.

Diad apalabas ya taloran bulan, manlapud samay unonan impansentensia ed si Brother Christensen nen Pebrero, manga 115 la ya kaabungan na saray Tasi nen Jehova so nilolooban na autoridad tan mamitlod karakel na kason krimen so insegep sumpad sikara no ikomparad apalabas ya taloran bulan.

Ipikasi tayo si Brother Christensen tan amin ya agagi tayo ed Russia. Matalek tayo ya si Jehova et “asingger ed amin ya ontatawag ed sikato” tan tuloytuloy ton tulongan iray agagi tayo ya mansiansian matoor anggano napapasegsegang ira—Salmo 145:18.