Onlad karga

HULYO 26, 2019
DENMARK

Copenhagen, Denmark—2019 ‘Say Aro Agbalot Mangangga’! Internasyonal a Kombension

Copenhagen, Denmark—2019 ‘Say Aro Agbalot Mangangga’! Internasyonal a Kombension
  • Petsa: Hulyo 19-21, 2019

  • Lugar: Brøndby Stadium tan Brøndby Hallen, Copenhagen, Denmark

  • Lenguahe na Programa: Danish, Danish Sign Language, English, Icelandic, Norwegian Sign Language, Swedish Sign Language

  • Inmatendi: 26,409

  • Abautismoan: 141

  • Bilang na Imbitadon Delegate: 7,000

  • Imbitadon Branch: Australasia, Brazil, Central America, Central Europe, Colombia, Dominican Republic, Finland, Georgia, India, Japan, Poland, United States

  • Eksperiensya: Oniay imbaga nen Christian Tidemand Andersen, say event coordinator na Brøndby Stadium: “Sakey tan kapalduan taon lay apalabas sanen ginmapo kamin namplano parad Internasyonal a Kombension na Saray Tasi nen Jehova, tan manlapu lad unonan agew na preparasyon et talagan makakapantalosan so duaran organisasyon. Walay respeto ed balang sakey, tan parehon natatalosan na duaran organisasyon iray subok ed pangorganisa na onia ran angkabaleg ya pantitipon. Kanian bilang resulta, say impanplano et agawan praktikal tan makagunggona. Matalag tay makapikimeyan ed sakey ya organisasyon ya talagan organisado tan ninonot dan maong so kada detalye. Diad mismon taloran agew na kombension, makapadinayew ya nanengneng so amin ya namboluntaryo ya tinmulong tan nankimey manlapud kabuasan anggad labi, lanang iran positibo tan akaimis. Pribilehyo so magmaliw ya kabiangan na sayan marakdakep ya pantitipon, tan misalsalamat kamin maong lapud pikokoopera na Convention Committee yo tan ed amin ya namboluntaryo. Komon ta nanengneng mi kayo lamet tan saray bisita yo diad Brøndby Stadium diad arum iran pankanawnawa.”

 

Saray Bethelite ya akasulong na duyaw ya I.D. lace et ompapayapay tan manwe-welcome ed saray delegate ya manto-tour ed Bethel

Iwe-welcome na saray ugugaw tan saray atateng da iray delegate diad pantitipon parad lawak na kimeyan

Saray agagi ya onsasabi diad Brøndby Stadium parad kombension

Manpapalitrato iray delegate ya nanlapud nanduruman bansa ya akasulong iray kawes na bansa ra

Akalua lapud liket iray sister ya mansasalitay lenguahen Icelandic sanen naawat day kopya ra na balon release ya New World Translation of the Christian Greek Scriptures diad lenguahen Icelandic

Si Brother Stephen Lett, sakey a membro na Mananguley ya Ulop, legan ton ipapaliwawa so sampot a parte ed Biernes

Saray kandidato parad bautismo et ondedengel ed paliwawa diad arap na stage

Babautismoan so pigara ed saray 141 ya balon agagi

Ompapayapay iray misionero tan arum nin walad special full-time ed saray agagi ya walad stadium

Iyaakto na saray brother so history na Saray Tasi nen Jehova diad Denmark, Faroe Islands, Greenland, tan Iceland