ਹੱਬਕੂਕ 1:1-17
1 ਹੱਬਕੂਕ* ਨਬੀ ਨੂੰ ਇਕ ਦਰਸ਼ਣ ਵਿਚ ਇਹ ਗੰਭੀਰ ਸੰਦੇਸ਼ ਮਿਲਿਆ:
2 ਹੇ ਯਹੋਵਾਹ, ਹੋਰ ਕਿੰਨੀ ਦੇਰ ਤਕ ਮੈਂ ਮਦਦ ਲਈ ਦੁਹਾਈ ਦਿਆਂ, ਪਰ ਤੂੰ ਨਾ ਸੁਣੇਂਗਾ?+
ਹੋਰ ਕਿੰਨੀ ਦੇਰ ਤਕ ਮੈਂ ਜ਼ੁਲਮ ਤੋਂ ਬਚਾਅ ਲਈ ਮਦਦ ਮੰਗਾਂ, ਪਰ ਤੂੰ ਕੁਝ ਨਾ ਕਰੇਂਗਾ?*+
3 ਤੂੰ ਕਿਉਂ ਮੈਨੂੰ ਬੁਰੇ ਕੰਮ ਦਿਖਾਉਂਦਾ ਹੈਂ?
ਤੂੰ ਕਿਉਂ ਅਤਿਆਚਾਰ ਹੋਣ ਦਿੰਦਾ ਹੈਂ?
ਕਿਉਂ ਮੇਰੀਆਂ ਨਜ਼ਰਾਂ ਸਾਮ੍ਹਣੇ ਤਬਾਹੀ ਅਤੇ ਜ਼ੁਲਮ ਹੁੰਦੇ ਹਨ?
ਕਿਉਂ ਇੰਨੇ ਜ਼ਿਆਦਾ ਲੜਾਈ-ਝਗੜੇ ਹੁੰਦੇ ਹਨ?
4 ਇਨ੍ਹਾਂ ਕਰਕੇ ਕਾਨੂੰਨ ਨਕਾਰਾ ਹੋ ਚੁੱਕਾ ਹੈਅਤੇ ਕਦੇ ਨਿਆਂ ਨਹੀਂ ਕੀਤਾ ਜਾਂਦਾ।
ਬੁਰਾ ਇਨਸਾਨ ਧਰਮੀ ਨੂੰ ਘੇਰ ਲੈਂਦਾ ਹੈ;ਇਸ ਕਰਕੇ ਬੇਇਨਸਾਫ਼ੀ ਕੀਤੀ ਜਾਂਦੀ ਹੈ।+
5 “ਕੌਮਾਂ ਵੱਲ ਦੇਖੋ ਅਤੇ ਧਿਆਨ ਦਿਓ!
ਹੈਰਾਨੀ ਨਾਲ ਦੇਖੋ ਅਤੇ ਦੰਗ ਰਹਿ ਜਾਓ;ਕਿਉਂਕਿ ਤੁਹਾਡੇ ਦਿਨਾਂ ਵਿਚ ਕੁਝ ਅਜਿਹਾ ਵਾਪਰੇਗਾਕਿ ਭਾਵੇਂ ਤੁਹਾਨੂੰ ਦੱਸਿਆ ਵੀ ਜਾਵੇ, ਫਿਰ ਵੀ ਤੁਸੀਂ ਯਕੀਨ ਨਹੀਂ ਕਰੋਗੇ।+
6 ਦੇਖੋ, ਮੈਂ ਕਸਦੀਆਂ ਨੂੰ ਤੁਹਾਡੇ ਖ਼ਿਲਾਫ਼ ਲਿਆਵਾਂਗਾ,+ਉਹ ਬੇਰਹਿਮ ਅਤੇ ਉਤਾਵਲੀ ਕੌਮ ਹੈ।
ਉਹ ਧਰਤੀ ’ਤੇ ਦੂਰ-ਦੂਰ ਤਕ ਜਾਂਦੇ ਹਨਅਤੇ ਉਹ ਪਰਾਏ ਘਰਾਂ ’ਤੇ ਕਬਜ਼ਾ ਕਰਦੇ ਹਨ।+
7 ਉਹ ਡਰਾਉਣੇ ਅਤੇ ਖ਼ੌਫ਼ਨਾਕ ਹਨ।
ਉਹ ਆਪਣਾ ਕਾਨੂੰਨ ਆਪ ਬਣਾਉਂਦੇ ਅਤੇ ਅਧਿਕਾਰ ਚਲਾਉਂਦੇ ਹਨ।+
8 ਉਨ੍ਹਾਂ ਦੇ ਘੋੜੇ ਚੀਤਿਆਂ ਨਾਲੋਂ ਵੀ ਤੇਜ਼ ਹਨਅਤੇ ਉਹ ਰਾਤ ਨੂੰ ਘੁੰਮਦੇ ਬਘਿਆੜਾਂ ਨਾਲੋਂ ਵੀ ਖੂੰਖਾਰ ਹਨ।+
ਉਨ੍ਹਾਂ ਦੇ ਘੋੜੇ ਯੁੱਧ ਲਈ ਤੇਜ਼ੀ ਨਾਲ ਅੱਗੇ ਵਧਦੇ ਹਨ;ਉਨ੍ਹਾਂ ਦੇ ਘੋੜੇ ਦੂਰੋਂ-ਦੂਰੋਂ ਆਉਂਦੇ ਹਨ।
ਉਹ ਉਕਾਬ ਵਾਂਗ ਆਪਣੇ ਸ਼ਿਕਾਰ ’ਤੇ ਝਪੱਟਾ ਮਾਰਦੇ ਹਨ।+
9 ਉਹ ਸਾਰੇ ਖ਼ੂਨ-ਖ਼ਰਾਬਾ ਕਰਨ ’ਤੇ ਤੁਲੇ ਹੁੰਦੇ ਹਨ।+
ਉਹ ਇਕੱਠੇ ਹੋ ਕੇ ਪੂਰਬ ਵੱਲੋਂ ਵਗਦੀ ਹਵਾ ਵਾਂਗ ਅੱਗੇ ਵਧਦੇ ਹਨ+ਅਤੇ ਉਹ ਰੇਤ ਵਾਂਗ ਗ਼ੁਲਾਮਾਂ ਨੂੰ ਇਕੱਠਾ ਕਰਦੇ ਹਨ।
10 ਉਹ ਰਾਜਿਆਂ ਦਾ ਮਜ਼ਾਕ ਉਡਾਉਂਦੇ ਹਨਅਤੇ ਉੱਚ ਅਧਿਕਾਰੀਆਂ ’ਤੇ ਹੱਸਦੇ ਹਨ।+
ਉਹ ਹਰ ਕਿਲੇਬੰਦ ਸ਼ਹਿਰ ’ਤੇ ਹੱਸਦੇ ਹਨ;+ਉਹ ਮਿੱਟੀ ਦਾ ਟਿੱਲਾ ਬਣਾ ਕੇ ਸ਼ਹਿਰ ਉੱਤੇ ਕਬਜ਼ਾ ਕਰ ਲੈਂਦੇ ਹਨ।
11 ਫਿਰ ਉਹ ਹਨੇਰੀ ਵਾਂਗ ਅੱਗੇ ਵਧਦੇ ਹੋਏ ਦੇਸ਼ ਵਿੱਚੋਂ ਲੰਘਦੇ ਹਨ,ਪਰ ਉਹ ਦੋਸ਼ੀ ਠਹਿਰਨਗੇ+ਕਿਉਂਕਿ ਉਹ ਆਪਣੀ ਤਾਕਤ ਦਾ ਸਿਹਰਾ ਆਪਣੇ ਦੇਵਤੇ ਨੂੰ ਦਿੰਦੇ ਹਨ।”*+
12 ਹੇ ਯਹੋਵਾਹ, ਕੀ ਤੂੰ ਹਮੇਸ਼ਾ ਤੋਂ ਨਹੀਂ ਹੈਂ?+
ਹੇ ਮੇਰੇ ਪਵਿੱਤਰ ਪਰਮੇਸ਼ੁਰ, ਤੂੰ ਕਦੇ ਨਹੀਂ ਮਰਦਾ।*+
ਹੇ ਯਹੋਵਾਹ, ਤੂੰ ਆਪਣੇ ਨਿਆਂ ਅਨੁਸਾਰ ਉਨ੍ਹਾਂ ਨੂੰ ਕਾਰਵਾਈ ਕਰਨ ਲਈ ਠਹਿਰਾਇਆ ਹੈ।
ਹੇ ਮੇਰੀ ਚਟਾਨ,+ ਤੂੰ ਸਾਨੂੰ ਸਜ਼ਾ ਦੇਣ ਲਈ* ਉਨ੍ਹਾਂ ਨੂੰ ਚੁਣਿਆ ਹੈ।+
13 ਤੇਰੀ ਨਜ਼ਰ ਇੰਨੀ ਪਵਿੱਤਰ ਹੈ ਕਿ ਇਹ ਬੁਰਾਈ ਦੇਖ ਹੀ ਨਹੀਂ ਸਕਦੀਅਤੇ ਤੂੰ ਦੁਸ਼ਟਤਾ ਨੂੰ ਬਰਦਾਸ਼ਤ ਨਹੀਂ ਕਰ ਸਕਦਾ।+
ਤਾਂ ਫਿਰ, ਤੂੰ ਧੋਖੇਬਾਜ਼ਾਂ ਨੂੰ ਕਿਉਂ ਬਰਦਾਸ਼ਤ ਕਰਦਾ ਹੈਂ+ਅਤੇ ਕਿਉਂ ਚੁੱਪ ਰਹਿੰਦਾ ਹੈਂ ਜਦੋਂ ਕੋਈ ਦੁਸ਼ਟ ਆਪਣੇ ਤੋਂ ਜ਼ਿਆਦਾ ਕਿਸੇ ਧਰਮੀ ਨੂੰ ਨਿਗਲ਼ ਜਾਂਦਾ ਹੈ?+
14 ਤੂੰ ਇਨਸਾਨ ਨੂੰ ਸਮੁੰਦਰ ਦੀਆਂ ਮੱਛੀਆਂ ਵਾਂਗ ਕਿਉਂ ਬਣਾਉਂਦਾ ਹੈਂ,ਉਨ੍ਹਾਂ ਸਮੁੰਦਰੀ ਜੀਵ-ਜੰਤੂਆਂ ਵਾਂਗ ਜਿਨ੍ਹਾਂ ਦਾ ਕੋਈ ਆਗੂ ਨਹੀਂ ਹੈ?
15 ਉਹ* ਉਨ੍ਹਾਂ ਸਾਰਿਆਂ ਨੂੰ ਕੁੰਡੀ ਨਾਲ ਉੱਪਰ ਖਿੱਚ ਲੈਂਦਾ ਹੈ।
ਉਹ ਉਨ੍ਹਾਂ ਨੂੰ ਆਪਣੇ ਵੱਡੇ ਜਾਲ਼ ਵਿਚ ਫਸਾਉਂਦਾ ਹੈਅਤੇ ਉਹ ਉਨ੍ਹਾਂ ਨੂੰ ਆਪਣੇ ਮੱਛੀ-ਜਾਲ਼ ਵਿਚ ਇਕੱਠਾ ਕਰਦਾ ਹੈ।
ਇਸੇ ਕਰਕੇ ਉਹ ਬਹੁਤ ਖ਼ੁਸ਼ ਹੁੰਦਾ ਹੈ।+
16 ਇਸੇ ਲਈ ਉਹ ਆਪਣੇ ਵੱਡੇ ਜਾਲ਼ ਅੱਗੇ ਬਲੀਦਾਨ ਚੜ੍ਹਾਉਂਦਾ ਹੈਅਤੇ ਆਪਣੇ ਮੱਛੀ-ਜਾਲ਼ ਅੱਗੇ ਧੂਪ ਧੁਖਾਉਂਦਾ ਹੈ;ਕਿਉਂਕਿ ਇਨ੍ਹਾਂ ਰਾਹੀਂ ਉਸ ਨੂੰ ਚਿਕਨਾਈ ਵਾਲਾ ਭੋਜਨ ਮਿਲਦਾ ਹੈਅਤੇ ਉਹ ਵਧੀਆ ਤੋਂ ਵਧੀਆ ਭੋਜਨ ਖਾਂਦਾ ਹੈ।
17 ਤਾਂ ਫਿਰ, ਕੀ ਉਹ ਆਪਣਾ ਵੱਡਾ ਜਾਲ਼ ਭਰਦਾ ਅਤੇ ਖਾਲੀ ਕਰਦਾ ਰਹੇਗਾ?*
ਕੀ ਉਹ ਕੌਮਾਂ ਦਾ ਬੇਰਹਿਮੀ ਨਾਲ ਕਤਲ ਕਰਦਾ ਰਹੇਗਾ?+
ਫੁਟਨੋਟ
^ ਸ਼ਾਇਦ ਇਸ ਦਾ ਮਤਲਬ ਹੈ “ਪਿਆਰ ਨਾਲ ਗਲ਼ੇ ਲਾਉਣਾ।”
^ ਜਾਂ, “ਨਾ ਬਚਾਵੇਂਗਾ।”
^ ਜਾਂ ਸੰਭਵ ਹੈ, “ਉਨ੍ਹਾਂ ਦੀ ਤਾਕਤ ਉਨ੍ਹਾਂ ਦਾ ਦੇਵਤਾ ਹੈ।”
^ ਜਾਂ ਸੰਭਵ ਹੈ, “ਅਸੀਂ ਨਹੀਂ ਮਰਾਂਗੇ।”
^ ਜਾਂ, “ਸੁਧਾਰਨ ਲਈ।”
^ ਯਾਨੀ, ਉਨ੍ਹਾਂ ਦੇ ਦੁਸ਼ਮਣ ਕਸਦੀ।
^ ਜਾਂ ਸੰਭਵ ਹੈ, “ਆਪਣੀ ਤਲਵਾਰ ਕੱਢਦਾ ਰਹੇਗਾ?”
