ਯਸਾਯਾਹ 32:1-20
32 ਦੇਖੋ! ਇਕ ਰਾਜਾ+ ਸੱਚਾਈ ਦੀ ਖ਼ਾਤਰ ਰਾਜ ਕਰੇਗਾ+ਅਤੇ ਹਾਕਮ ਨਿਆਂ ਦੀ ਖ਼ਾਤਰ ਰਾਜ ਕਰਨਗੇ।
2 ਹਰੇਕ ਜਣਾ ਹਨੇਰੀ ਤੋਂ ਲੁਕਣ ਦੀ ਥਾਂ ਜਿਹਾ ਹੋਵੇਗਾ,ਵਾਛੜ ਤੋਂ ਬਚਣ ਦੀ ਜਗ੍ਹਾ* ਜਿਹਾ,ਸੁੱਕੇ ਦੇਸ਼ ਵਿਚ ਪਾਣੀ ਦੀਆਂ ਨਦੀਆਂ ਜਿਹਾ+ਅਤੇ ਝੁਲ਼ਸੇ ਹੋਏ ਦੇਸ਼ ਵਿਚ ਵੱਡੀ ਸਾਰੀ ਚਟਾਨ ਦੇ ਸਾਏ ਜਿਹਾ ਹੋਵੇਗਾ।
3 ਉਦੋਂ ਦੇਖਣ ਵਾਲਿਆਂ ਦੀਆਂ ਅੱਖਾਂ ਫਿਰ ਕਦੇ ਬੰਦ ਨਹੀਂ ਹੋਣਗੀਆਂਅਤੇ ਸੁਣਨ ਵਾਲਿਆਂ ਦੇ ਕੰਨ ਧਿਆਨ ਨਾਲ ਸੁਣਨਗੇ।
4 ਉਤਾਵਲਿਆਂ ਦੇ ਮਨ ਗਿਆਨ ਉੱਤੇ ਸੋਚ-ਵਿਚਾਰ ਕਰਨਗੇਅਤੇ ਥਥਲੀ ਜ਼ਬਾਨ ਬਿਨਾਂ ਅਟਕੇ ਸਾਫ਼-ਸਾਫ਼ ਬੋਲੇਗੀ।+
5 ਮੂਰਖ ਨੂੰ ਅੱਗੇ ਤੋਂ ਖੁੱਲ੍ਹੇ ਦਿਲ ਵਾਲਾ ਨਹੀਂ ਕਿਹਾ ਜਾਵੇਗਾ,ਅਸੂਲਾਂ ʼਤੇ ਨਾ ਚੱਲਣ ਵਾਲੇ ਇਨਸਾਨ ਨੂੰ ਭਲਾ ਇਨਸਾਨ ਨਹੀਂ ਕਿਹਾ ਜਾਵੇਗਾ;
6 ਮੂਰਖ ਤਾਂ ਮੂਰਖਤਾਈ ਦੀਆਂ ਗੱਲਾਂ ਕਰੇਗਾਅਤੇ ਉਸ ਦਾ ਮਨ ਨੁਕਸਾਨਦੇਹ ਗੱਲਾਂ ਦੀਆਂ ਯੋਜਨਾਵਾਂ ਘੜੇਗਾ+ਤਾਂਕਿ ਪਰਮੇਸ਼ੁਰ ਖ਼ਿਲਾਫ਼ ਬਗਾਵਤ ਛੇੜੇ* ਅਤੇ ਯਹੋਵਾਹ ਬਾਰੇ ਕੁਰਾਹੇ ਪਾਉਣ ਵਾਲੀਆਂ ਗੱਲਾਂ ਕਹੇ,ਭੁੱਖੇ ਨੂੰ ਖਾਲੀ ਪੇਟ ਰੱਖੇਅਤੇ ਪਿਆਸੇ ਨੂੰ ਕੁਝ ਵੀ ਪੀਣ ਤੋਂ ਵਾਂਝਾ ਰੱਖੇ।
7 ਅਸੂਲਾਂ ʼਤੇ ਨਾ ਚੱਲਣ ਵਾਲਾ ਇਨਸਾਨ ਬੁਰਾ ਹੀ ਸੋਚਦਾ ਹੈ;+ਉਹ ਬੇਸ਼ਰਮੀ ਭਰੇ ਕੰਮਾਂ ਨੂੰ ਹੱਲਾਸ਼ੇਰੀ ਦਿੰਦਾ ਹੈਤਾਂਕਿ ਝੂਠੀਆਂ ਗੱਲਾਂ ਨਾਲ ਦੁਖਿਆਰੇ ਨੂੰ ਬਰਬਾਦ ਕਰੇ,+ਉਸ ਗ਼ਰੀਬ ਨੂੰ ਵੀ ਜੋ ਸੱਚ ਬੋਲਦਾ ਹੈ।
8 ਪਰ ਖੁੱਲ੍ਹ-ਦਿਲਾ ਇਨਸਾਨ ਖ਼ੁਸ਼ੀ ਨਾਲ ਦੇਣ ਦਾ ਇਰਾਦਾ ਰੱਖਦਾ ਹੈਅਤੇ ਉਹ ਖੁੱਲ੍ਹੇ ਦਿਲ ਨਾਲ ਭਲਾ ਕਰਨ ਵਿਚ ਲੱਗਾ ਰਹਿੰਦਾ ਹੈ।
9 “ਹੇ ਬੇਫ਼ਿਕਰ ਔਰਤੋ, ਉੱਠੋ ਤੇ ਮੇਰੀ ਗੱਲ ਸੁਣੋ!
ਹੇ ਲਾਪਰਵਾਹ ਧੀਓ,+ ਮੇਰੀ ਗੱਲ ʼਤੇ ਧਿਆਨ ਦਿਓ!
10 ਤੁਸੀਂ ਜੋ ਬੇਫ਼ਿਕਰ ਬੈਠੀਆਂ ਹੋ, ਸਾਲ ਤੋਂ ਉੱਪਰ ਕੁਝ ਹੀ ਸਮਾਂ ਹੋਣ ਤੇ ਤੁਸੀਂ ਥਰ-ਥਰ ਕੰਬੋਗੀਆਂਕਿਉਂਕਿ ਅੰਗੂਰਾਂ ਨੂੰ ਤੋੜ ਲਿਆ ਜਾਵੇਗਾ ਤੇ ਇਕੱਠਾ ਕਰਨ ਲਈ ਕੋਈ ਫਲ ਨਹੀਂ ਹੋਵੇਗਾ।+
11 ਹੇ ਬੇਫ਼ਿਕਰ ਔਰਤੋ, ਕੰਬੋ!
ਹੇ ਲਾਪਰਵਾਹੀ ਕਰਨ ਵਾਲੀਓ, ਥਰ-ਥਰ ਕੰਬੋ!
ਆਪਣੇ ਕੱਪੜੇ ਉਤਾਰ ਦਿਓਅਤੇ ਆਪਣੇ ਲੱਕ ਦੁਆਲੇ ਤੱਪੜ ਪਾ ਲਓ।+
12 ਮਨਭਾਉਂਦੇ ਖੇਤਾਂ ਅਤੇ ਫਲਦਾਰ ਅੰਗੂਰੀ ਵੇਲ ਉੱਤੇਛਾਤੀ ਪਿੱਟ-ਪਿੱਟ ਕੇ ਵੈਣ ਪਾਓ।
13 ਕਿਉਂਕਿ ਮੇਰੀ ਪਰਜਾ ਦੀ ਜ਼ਮੀਨ ਕੰਡਿਆਂ ਅਤੇ ਕੰਡਿਆਲ਼ੀਆਂ ਝਾੜੀਆਂ ਨਾਲ ਭਰ ਜਾਵੇਗੀ;ਉਨ੍ਹਾਂ ਨਾਲ ਖ਼ੁਸ਼ੀਆਂ-ਖੇੜਿਆਂ ਵਾਲੇ ਸਾਰੇ ਘਰ ਢਕੇ ਜਾਣਗੇ,ਹਾਂ, ਖ਼ੁਸ਼ੀਆਂ ਭਰੇ ਸ਼ਹਿਰ।+
14 ਮਜ਼ਬੂਤ ਬੁਰਜ ਨੂੰ ਤਿਆਗ ਦਿੱਤਾ ਗਿਆ ਹੈ;ਰੌਲ਼ੇ-ਰੱਪੇ ਵਾਲਾ ਸ਼ਹਿਰ ਖਾਲੀ ਹੋ ਗਿਆ।+
ਓਫਲ+ ਅਤੇ ਪਹਿਰੇਦਾਰਾਂ ਦਾ ਬੁਰਜ ਹਮੇਸ਼ਾ ਲਈ ਵੀਰਾਨ ਹੋ ਗਿਆ ਹੈਜਿੱਥੇ ਜੰਗਲੀ ਗਧੇ ਖ਼ੁਸ਼ੀਆਂ ਮਨਾਉਂਦੇ ਹਨ,ਜਿੱਥੇ ਇੱਜੜ ਚਰਦੇ ਹਨ,+
15 ਪਰ ਉਦੋਂ ਤਕ ਜਦ ਤਕ ਉੱਪਰੋਂ ਸਾਡੇ ʼਤੇ ਪਵਿੱਤਰ ਸ਼ਕਤੀ ਨਹੀਂ ਪਾਈ ਜਾਂਦੀ,+ਉਜਾੜ ਫਲਾਂ ਦਾ ਬਾਗ਼ ਨਹੀਂ ਬਣ ਜਾਂਦਾਅਤੇ ਫਲਾਂ ਦਾ ਬਾਗ਼ ਹਰਿਆ-ਭਰਿਆ ਜੰਗਲ ਨਹੀਂ ਬਣ ਜਾਂਦਾ।+
16 ਫਿਰ ਉਜਾੜ ਵਿਚ ਇਨਸਾਫ਼ ਦਾ ਬਸੇਰਾ ਹੋਵੇਗਾਅਤੇ ਫਲਾਂ ਦੇ ਬਾਗ਼ ਵਿਚ ਨੇਕੀ ਵਸੇਗੀ।+
17 ਸੱਚੀ ਧਾਰਮਿਕਤਾ ਦਾ ਨਤੀਜਾ ਸ਼ਾਂਤੀ ਹੋਵੇਗਾ+ਅਤੇ ਅਸਲੀ ਧਾਰਮਿਕਤਾ ਦਾ ਫਲ ਹਮੇਸ਼ਾ-ਹਮੇਸ਼ਾ ਲਈ ਸਕੂਨ ਤੇ ਸੁਰੱਖਿਆ ਹੋਵੇਗਾ।+
18 ਮੇਰੇ ਲੋਕ ਅਜਿਹੀ ਥਾਂ ਵੱਸਣਗੇ ਜਿੱਥੇ ਸ਼ਾਂਤੀ ਹੋਵੇਗੀ,ਉਹ ਸੁਰੱਖਿਅਤ ਬਸੇਰਿਆਂ ਵਿਚ ਅਤੇ ਸਕੂਨ ਦੇਣ ਵਾਲੀਆਂ ਥਾਵਾਂ ʼਤੇ ਵੱਸਣਗੇ।+
19 ਪਰ ਗੜੇ ਜੰਗਲ ਨੂੰ ਤਹਿਸ-ਨਹਿਸ ਕਰ ਦੇਣਗੇਅਤੇ ਸ਼ਹਿਰ ਪੂਰੀ ਤਰ੍ਹਾਂ ਮਿੱਟੀ ਵਿਚ ਮਿਲ ਜਾਵੇਗਾ।
20 ਧੰਨ ਹੋ ਤੁਸੀਂ ਜੋ ਸਾਰੇ ਪਾਣੀਆਂ ਦੇ ਨਾਲ-ਨਾਲ ਬੀ ਬੀਜਦੇ ਹੋ,ਜੋ ਬਲਦ ਅਤੇ ਗਧੇ ਨੂੰ ਖੁੱਲ੍ਹਾ ਛੱਡਦੇ ਹੋ।”+
